بقلم جورج حبيب ( سيدني-استراليا )
قالت الحرباء للحمامة لونك ابيض ليه
مفيش لك لون تاني تتخفي فيه
قالت لا الابيض السلام والهدوء فيه
قالت الحربا ء كده صيدك سهل للمفترسين
قالت الحمامة مبخافش من المعتدين
قالت الحرباء تغيير اللون دا للشاطرين
وعلي كل لون وشكل همه قادرين
يبانوا بكذا لون والكل مصدقين
قالت الحمامة ربنا يكره المرائين
اللي زيك ملعون زي الكتبه والفريسين
قبور مبيضه ومن الداخل نتنين
وصفوف اولانيه تلاقيهم قاعدين
قاده عميان وموش فاهمين
ا انا جواي زي برايا من غير تغيير
وانا حرباء خداعة زي الشياطين
انا بتلون لفرايسي المساكين
يقعوا في شباكي وهمه مخدوعين
تلوينك موش حيخليكي من الضعيفين
تتلوني وتخدعي والكل لك خاضعين
قالت الحمامة انا حياتي مع المسالمين
وربنا حاميني وانا موش من الخايفين
مسلمه حياتي له ودايما من المحروسين
ربنا بيكره رياءك وخداعك للمغلوبين
اه من حسابك دا عسير ومع الكذابين
الخداع والرياء لغة الارضيين
والسلام والحب لغة السمائيين
