دى نصيحة لوجه الله تعالى للسيد رئيس الجمهورية الدكتور محمد مرسى وخصوصا بعد حكم المحكمة الدستورية بابطال قراره الشاذ باعادة مجلس الشعب المنحل لعوار قانون انتخابه - يا سعادة الدكتور مرسى سواء تاخد بيها او ترميها البحر انت حر بس باشهد عليك كل المصريين وكل العالم شرقه لغربه --

-الله الله على الجد و الجد الله الله عليه - -بصراحة يا دكتور مرسى انت بوختها قوى و ما فرقتش كثير عن الشيخ حازم صلاح ابو اسماعيل - دوشة وتهييج وبلبلة وخسارة مليارات بالبورصة ومظاهرات واعتصامات على فشوش بقضية خسرانة مية المية -- حكم نهائى بات بحل المجلس من اصله وانعدامه كانه لم يكن بسبب قانون انتخابه وعوار استخدامه لسلطاته

- خلاص ياريس لو سمحت روحنا فى مناخيرنا فضها سيرة وخلصنا يا تحكم زى الناس يا تمشى بدون مطرود تستقيل - لكن حسك عينك تضرب كرسى فى الكلوب و تهيج الشعب بلاش - خلاص محدش حتى ها يرضى يشحتنا سلفة نقضى بيها رمضان من التهريج المستمر والبلطجة السياسية يمين وشمال منك ومن غيرك اللى بيقبضو علشان يفلسونا

- حرام كفاية علينا قوى كده روح اعمل حكومتك واختار نوابك واشتغل بما يرضى الله وبلاش تودينا فى داهية اكثر من اللى احنا فيها لان المرة الجاية التلطيش ده فى القوانين البعكوكية علشان تسدد فواتيرك لاصحابك ها تخلى المحكمة الدستورية تعزلك مع كامل احترامى ليك - لم بقى كتاكيتك من التحرير ويللا على الشغل وحى على الفلاح يا دكتور

- سد ودانك عن التعيس صبحى صالح والتعيس صفوت حجازى والتعيس طارق البشرى والاتعس ابونباته الكتاتنى ان حبيت تفلح والناس تحبك خليك تقضى يومينك اللى مكتوبين لك على خير و نفتكرك بخير كاول رئيس مدنى للمصريين دى اول واخر نصيحة ها ابعتهالك واعدم المرشد وخيرت الشاطر فى يوم واحد لو نصحتك تانى