سهير وهبه
معنى اسمها محبوبة
زوجة الملك أحشويروش
ورد اسمها في الأصحاح الأول من سفر أستير
تعالوا نشوف نتعلم منها إيه
1- وشتي المحبوبة
كانت محبوبة جدا من الكل ومن أحشويروش لدرجة انها كانت الزوجة الوحيدة ليه
لما عمل وليمة هي كمان عملت وليمة للنساء
2- وشتي وفن الرفض
لما سكر أحشويروش وطلب ان الملكة تيجي علشان تعرض جمالها قدام العظماء السكرانين رفضت
ومع انها عارفة ايه هي عواقب الرفض لكن لا شيء يغنى عن كرامتها وعفتها
3- وشتي الأمينة
عندما عزلها الملك لم تتكلم خرجت في صمت
كان ممكن تعمل زي أي ست انها تكشف كل أسرار أحشويروش للأعداء
لكنها كانت أمينة
(تعالوا نطبق اللي اتعلمناه)
1- ازرع المحبة في قلوب الكل حتى بكلمة طيبة او تصرف بسيط يكفي ان الناس ترتاح بوجودك والكلام معاك
الناس بتشحت الكلام الطيب خليك انت مصدر للكلمة الطيبة
2- سهل تقول نعم لكن الصعب انك تقول لا
تعلم امتى تقول لا
قول لا لأي عادة تكسرك وتذلك
قول لا لأي شخص يستغلك وتعيش طول عمرك خاضع للغلط
3- في انتهاء علاقتك بأي حد احفظ سره
لأن العلاقات خلقت من أجل ان تحفظها مش انك تفضحها
صباح الخير على الجميع ♥️🌹
