سهير وهبه
معنى اسمه يزيد
في كل مرحلة من مراحل حياة يوسف عظة حية عن معاملات الله مع يوسف
ودايما نفتخر بالآية المرتبطة باسمه (سفر التكوين 39: 2)
وَكَانَ الرَّبُّ مَعَ يُوسُفَ فَكَانَ رَجُلًا نَاجِحًا
(تعالوا نشوف هنتعلم ايه من يوسف الصديق)
1- يوسف المحبوب
يذكر لنا الكتاب ان يعقوب أحب يوسف لأنه ابن شيخوخته وميزه عن اخوته انه جاب له قميص ملون
والقميص الملون (قوس قزح) رمز للعهد بين الله والناس بعد الطوفان
(سفر التكوين 9: 13) وَضَعْتُ قَوْسِي فِي السَّحَابِ فَتَكُونُ عَلاَمَةَ مِيثَاق بَيْنِي وَبَيْنَ الأَرْضِ.
2- يوسف المرفوض
برغم رفض اخوته وحسدهم وبرغم بيعه كعبد وظلمه في بيت فوطيفار وسجنه ظلم
برغم كل الرفض ده لكن كان عنده رجاء ان يد الله تعمل
3- يوسف الناجح
يكفيه فخر برغم كل التعب اللي لاقاه في حياته ان كل ما امتدت يده لشيء ينجح فيه
كان ابن كان يحب اخوته برغم كرههم ليه
كان عبد فنجح في بيت فوطيفار ووكله على كل ما في البيت
كان مسجون فنجح ووكله رئيس السجن انه يكون مسئول على كل المساجين
والنجاح الأكبر انه أصبح الرجل التاني في مصر
(تعالوا نطبق اللي اتعلمناه)
1- مهما كانت حالتك وشكلك وجنسك ربنا بيحبك زي ما انت
مش محتاج تتجمل علشان ربنا يحبك
ربنا عارف قلبك وبيحبك زي ما انت
2- مهما كنت مرفوض من الناس يكفيك ان ربنا محتاجك
ربنا اللي قال على الجحش والآتان " الرب محتاج إليهما" مش هيحتاجك انت ابنه الغالي؟
3- ان وضعت يد ربنا قبل يدك في كل عمل مهما كان هتنجح فيه
وافتخر دايما بالاية " كان الرب مع (اسمك) فكان رجلا ناجحا
صباح الخير على الجميع
