بعد تبادلهما الهجوم بالفيديوهات المصورة، نشر مطرب المهرجانات عمر كمال، مقطع فيديو، عبر حسابه على موقع "فيسبوك"، من جلسة صلح مع حمو بيكا، وعلّق عليها: "بعد قعدة الصلح مع بيكا".
وظهر "كمال" وهو يمازح بيكا ويسخر من طريقته في الكلام، قائلا: "خليك كلاس شوية وظبط طريقتك فى الكلام"، ليرد بيكا: "إنت تعرف إيه عن الكلاس".
وبعد نشر الفيديو على صفحة عمر كمال، تباينت ردود أفعال رواد موقع التواصل، وشن بعضهم هجوما على الثنائي مؤكدا أن ماحدث كان مدبرا بينهما، وكتب أحدهم في تعليقه: "والله الواحد مابقاش عارف لكوا حل، شوية تتخانقوا وتشتموا بعض، وشوية تتصالحوا"، وعلق آخر : "ليكو مش لينا يا چينتل، مفيش معلومة مفيدة، بس خد بالك من حمو عشان لما بيتعصب مبيعرفش أخوه".
وعلق آخر على طريقة حديث عمر مع بيكا، وكتب: "بلاش تعيش اللحظة عليه، عشان أصلا أنتو الاتنين في اللالالاند يا چينتل"، بينما كتب آخر: "الفيلم الجديد إمتى بقي، عايزين فيلم حلو كوميدي وربنا ينجح الجميع وكل سنة وأنتم طيبين"، وكتب آخر ساخرا: "نعم انتوا بعد ما تشتموا بعض تتصالحوا، صدق اللي قال المصالح بتتصالح"
وفي إشارة لوجود إتفاق ما بين بيكا وعمر بشأن ما حدث، علق أحد متابعي الصفحة: "كدة تمام يا رايق أنت وبيكا، عملتوا شو وخدتوا اهتمام الناس، وإحنا بصراحة اتسلينا، بس بصراحة كان فيلم كويس".
وفي تعليق آخر: "أطيب قلب إنتوا بس، فضحتوا بعض ليه بما أنو بدكون تتصالحوا"
وأشتعلت الأزمة بين بيكا وعمر، بعد قيام الأول عبر صفحته على فيسبوك بنشر صورة لعمر كمال، موضوع عليها علامة (×)، وكتب: "ياريت محدش يكلمنى فى شغل على الشخصية دى، عشان أنا كنت بحبها، والشخصية دى بتتهرب من شغلي اللي خلاني اتفق عليه، والإثبات بعد الصورة دي هنزل فيديو"، مضيفا: "هو عامل بيحبنى وهو بيكرهنى.. مع السلامة يا صحاب مزيفة".
فيما رد عمر كمال على هجوم حمو بيكا من خلال مقطع فيديو عبر صفحته الرسمية على موقع التواصل الاجتماعي فيسبوك: "أنا تحملت كتير جدا إهانات بعض الناس، لكن أنا ممكن أطلع أقولك يا (أبوكرش)، لكن كل ده كلام قلة أدب وقلة ذوق مليش فيه ومش باحب أقولها".
وأضاف: "أنا أول أغنية اكسب منها علي قناتى كانت كانت أغنية (انتي معلمة)، وكل الأغانى اللى قبل كده كنت بديها لحمو بيكا ولباقي الناس، عشان يرفعها على قناته ويكسب منها بما فيهم أغاني كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش".
