مرقس كمال
أيام و 2020 تخلص بكل تقلباتها وبكل صعوباتها وبكل اللى شفناه فيها
ورغم انك زى ناس كتير ممكن تكون تعبت فيها صحياً او نفسياً او مادياً او اجتماعياً او بأى شكل
ورغم إن ناس كتير ممكن تقولك بلغة الخسارة تعيش وتاخد غيرها
إلا انى أحب أقولك بلغة الشكر تعيش وتاخد خيرها
ايوه زى ما سمعت كده خيرها
ايوه بأكد لك مرة تانية إن انا قصدى فعلاً خيرها !!!
طب إزاي ؟؟؟ هقولك يا صاحبى
بالراحة كده وركز معايا وتعال نشوف الأمور من زاوية ايجابية
لو انت عندك أهل ده خير
لو عندك بيت مستور جواه ده خير
لو عندك أولاد ده خير
لو عندك اكل وشرب يكفيك انت وبيتك ده خير
لو عندك سلام جواك وراحة بال وسط الازمات ده خير
لو عندك صحاب جدعان يسندوك وترتاح معاهم ده خير
لو عندك وقت بتقدر تضحك فيه من قلبك ده خير
لو عندك شغل ده خير
لو عندك طاقة وصبر تقاوح بيهم ده خير
لو عندك صحة فى زمن الوباء ده أكبر خير
ولو ركزت اكتر يا صاحبى هتلاقى حاجات كتير اوى عندك كلها خير وستر
ده انت حتى كل يوم بتنزل من بيتكم وبترجع بالليل تروح بيتكم تانى بالسلامة ده خير
عشان كده ركز على اللى عندك واشكر ربنا عليه وحاول تستمتع بيه ومتركزش على اللى ناقصك او اللى تاعبك
وخليك واثق انك مهما تعبت او ضاقت بيك الدنيا او اتوجعت ليك اله بيحبك ويهمه امرك بيطبطب عليك وبيوعدك
إن كل الأشياء تعمل معاً للخير للذين يحبون الله ( رو8 : 28)
سامع بيقولك ايه للخييييير.
عشان كده يا غالى خليك مصدق وواثق وإبدأ 2021 بطاقة إيجابية
وكل سنة وانت مسنود وغالى ومحبوب بنعمة ربنا
وبجد بقى يا صاحبى تعيش وتاخد خيرها
#شخابيط_انسان
