سهير وهبه
وردت قصة شفائها في أنجيل معلمنا مرقس الأصحاح الأول وإنجيل معلمنا لوقا الأصحاح الرابع
ويقرأ فصل الإنجيل في صلاة الغروب كل يوم
لكن سؤال سألته لنفسي اشمعنا شفاء حماة سمعان نقراه كل يوم في الغروب
(تعالوا نتعلم من حماة سمعان)
1- حماة سمعان والحمى
الحمى عند الأطباء هي أخطر مرض يزعج الأطباء لإن ارتفاع درجة الحرارة ليه أكتر من سبب ومش من السهل تحدد ايه هو سبب الحمى
غير كده كل ما ترتفع درجة الحرارة شرطة واحدة يتسبب في زيادة نبضات القلب
ما بالك بارتفاع شديد في درجة الحرارة لمدة 3 أو 4 أيام مثلا
لكن السيد المسيح بسلطانه زجر الحمى فتركتها وفي الحال قامت وخدمتهم
2- حماة سمعان العاملة
كانت حماة سمعان من العاملين في الخدمة لأن مجيء السيد المسيح البيت هيكون معاه ناس كتير وكانت دايما مهتمة بالعمل والخدمة
3- حماة سمعان المُحِبة
كانت حماة سمعان بمثابة أم لبطرس ولم يذكر الكتاب أو تاريخ الكنيسة أي مشاكل منها حتى انها من محبة بطرس لها ومحبتها سكنت معاه لتشارك زوجته في الخدمة
(تعالوا نطبق اللي اتعلمناه)
1- مهما كانت ضعفك يهد الحيل ومش قادر تقاوم ولا قادر تقف على رجليك علشان تهرب اصرخ لربك هو الوحيد اللي هيبدد كل هم جواك
واصبر للوقت المناسب اللي هو محدده وشايفه صالح ليك
2-اهتم بالعمل والخدمة حتى لو كانت بسيطة
الخدمة حتى لو كانت بسيطة ترضي قلب الله
لأنه لا يؤثر بقوة الخيل ولا بساقي الرجل لكن يسر الرب بخائفيه والراجين رحمته
3- كن دايما صاحب سلام
حب الكل وخلي الكل يحبك
صباح الخير على الجميع ♥️🌹🗯
