سهير وهبه
تريفينا معنى اسمها لطيفة أو رقيقة
وتريفوسا معنى اسمها أنيقة
ذكرهم بولس الرسول في (رسالة بولس الرسول إلى أهل رومية 16: 12)
سَلِّمُوا عَلَى تَرِيفَيْنَا وَتَرِيفُوسَا التَّاعِبَتَيْنِ فِي الرَّبِّ.
عرفنا عنهم من شخصية برسيس لو فاكرين
لكن دلوقت هنعرف اكتر عنهم ونتعلم منهم
كانوا من عائلة رومانية ويقال من بعض المفسرين انهم كانوا من ضمن اللي آمنوا في (أع 17: 12)"فأمن منهم كثيرون ومن النساء اليونانيات الشريفات ومن الرجال
عدد ليس بقليل"
أمهم جارية في بيت قيصر اسمها جوليا وهنتكلم عنها بالتفصيل في وقت لاحق
(تعالوا نشوف هنتعلم ايه من تريفينا وتريفوسا)
1- العطش للخدمة
لو فرضنا انك جعان جدا ولقيت تفاحة يا ترى هتعمل ايه؟
هتاكلها يمكن حتى من غير ما تغسلها
لكن لو مش جعان؟
هتقشرها وتقطعها وتتفنن في طريقة أكلها
بالضبط كده فيه خدام كل مهمتها تأدي المهمة وخلاص
اروح مدارس الأحد احضر الدرس واشرحه وخلاص
لكن تريفينا وتريفوسا عطشانين للخدمة وكأنهم هم المحتاجين للخدمة
2- التعب في الرب
وكلمة التاعبتين في الرب مش معناها الألم او الوجع
لكن معناها انهم بيخدموا خدمات اضافية
وده بيظهر محبة الاختين للخدمة حتى انهم كانوا بيسافروا مسافات كبيرة من اجل توصيل رسالة أو توصيل بركات أخوة الرب
3- الحرية في الله
برغم ان امهم جارية في بيت قيصر لكن لم تمنعهم الخدمة في بيت قيصر على الخدمة في بيت الله
وده يظهر لنا للخدام اللي يكون ناجح جدا في عمله لكن في خدمته فاشل
(تعالوا نطبق اللي اتعلمناه)
1- مهما كانت خدمتك انت المحتاج للخدمة علشان تنميك
اياك تزعل من حد تسيب الخدمة لأنك بكده هتبعد عن مصدر نموك الروحي
2- على قدر طاقتك اخدم حتى في وقت فراغك اخدم
ابعت رسالة أيات من الكتاب لأصدقائك على الفيس والواتس أو الموبايل
كن دايما شعلة نشاط الناس تنتظر تسمع منك كلمة ربنا
3- مهما كانت مشغولياتك اعطي الخدمة حقها
الله هيحاسبك على التقصير في الخدمة
ملعون من يعمل عمل الرب برخاوة
صباح الخير على الجميع🥰♥️🗯💭
