سهير وهبه
كان اسمها الأول ساراي والله أعطاها ميزة عظيمة هي وإبراهيم ان يضاف لاسمه حرف (الهاي) وده حرف خاص باسم "إلوهيم" الله وكان من آدم لإبراهيم يخاف أي أحد أن يضع حرف الهاي في اسمه حتى اسم هابيل هو في الأصل "أبيل"
وكأن الله خصص إبراهيم وسارة وقدسهم
(تعالوا نتعلم من أمنا سارة)
1- سارة المعينة
كانت سارة طول الوقت معينة لأبونا إبراهيم في جميع رحلاته
وكانت صاحبة شخصية قوية
وبرغم جمالها الملفت للنظر كانت مع إبراهيم في كل رحلاته
واتخيل دلوقت في زماننا لو واحدة جميلة وزوجها قالها هنعيش في خيام وننتقل من مكان لمكان
يا تري ايه هيكون ردها؟
انما سارة وجدت الاستقرار في وجودها جنب إبراهيم
2- سارة المطيعة
واتعلمت الطاعة من إبراهيم اللي كان مثال للطاعة
ومن طاعتها لإبراهيم كانت دايما تدعوه سيدي إبراهيم
حتى لما إبراهيم قالها قولي إنك أختي أطاعت
كان ممكن تقول ان كان زوجي في أقرب موقف تخلى عني ولا يدافع عني
لكنها أطاعت زوجها وهي تعلم أنه لن يتخلى عنها
3- سارة الموعودة
كان وعد الله أن الموعد هيكون من سارة
حتى لما أحست انها فقدت الأمل البشري في الإنجاب
فكرت انها تزوج هاجر لإبراهيم المهم إبراهيم يكون ليه نسل
لكن الله أكد ان من سارة هيكون الموعد
وجالها زيارة مخصوص علشان يبلغها ان في مثل هذا الزمان سارة تحمل ابن
(تعالوا نطبق اللي اتعلمناه)
1- كن دايما معين لغيرك حتى لو الناس بتيجي لك وقت الشدة يكفيك فخر انك تخفف عنهم ألامهم ويحتاجوك
2-خلي الطاعة هي أسلوب حياتك في الأمور الروحية واعرف كويس انك مهما كنت بتحب نفسك وعايز راحتها مش هتكون في محبة ربنا ليك
3- تذكر دائما انك ابن الملك
وابن الملك لازم يعيش عيشة الملوك في الطهارة والقداسة
ولا تتشبه بأهل العالم في لبس وكلام غير لائق
انت لك الوعود والميراث الأبدي
صباح الخير على الجميع🥰♥️
