بقلم : د.حنان فهيم نعيم
عنوان كبير لمهارات بسيطة تفرق كثير والنتيجة مضمونة ورائعة اذاى مهارة بسيطة فعلا هى بسيطة وهتفرق كتير
بنتعامل مع ناس كتير ومش عارفين ننسجم مع بعض والتنافر اسهل من الانجذاب ‘ وبنقابل ناس لاول مرة ومنعرفش المدخل المناسب واذاى اعمل الانطباع الاول الى ممكن يقصر على باقى العلاقة فيما بعد فهناك طرق بسيطة لو اتعودت عليها هكسب ناس كتير واكون مصدر فرح وسعادة للجميع
1اهتم بالاسم وتاريخ الميلاد
فاسم كل واحد فينا عزيز عليه وهو اول حاجة تكتسبها بعد ميلادك الاسم يدل على وجودك فى الحياة فعندما تتعرف على احد كرر اسمه فى الحوار منها تحفظه وثانيا تسعده وعند تعميق العلاقة اكثر الاهتمام بتاريخ الميلاد سجله على الموبايل او النتيجة او شيت تطبعة كل سنة وتسجل كل التواريخ المهمة ومجرد انك تفتكر المناسبة فهى اثمن من اى هدية وتعبير قوى على الاهتمام . فهذا افضل كثيرا من ان يكون هذا التاريخ سبب الم ان محدش افتكر يكون سبب فرح واحترام وتقدير وحب عندما تقول فى صباح اليوم كل سنة وانت طيب مع وردة بسيطة تعنى الكثير . كده الاسم وتاريخ الميلاد هتفرق فى حياة اى شخص كثيرا جدا وان اتسع المجال اكتب عن كم المشاكل الزوجية بسبب تجاهل استخدام الاسم ونسيان تاريخ الميلاد وتاريخ الزواج .
2 الابتسامة : اذاى ابتسم وانا مهموم وعندى مشاكل ومفيش حاجة تفرح . الجملة ده كفاية تخلى حياتى مزعجة وتعمل جذب لكل ما هو غير ايجابى
طب اذاى ابتسم
اجبر نفسك على الابتسامة
تصرف كما لو كنت سعيدا بالفعل
ان التصرف والشعور يسيران جنبا الى جنب يعنى كل منهم يؤثر فى الاخر ‘ عندما تشعر بالسعادة هتبتسم وعندما تبتسم سوف تشعر بالسعادة طب هتفرق ؟ فعلا هتفرق ليك اولا انت بكده تعطى اشارة للمخ يفتح ملف السعادة وهذا الملف يضم كل موقف مفرح ووقت ضحكت فيه من قلبك ولحظات مرحه فى حياتك وتتحول الابتسامة المصطنعة لحقيقة وبالتالى هتفرق مع الشخص الاخر ‘ فاجمل تحيه لاى حد هى الابتسامة وهى بمثابة عربون تعارف وفتح حوار وارسال رسالة طمئنينة للشخص الاخر
3 كن مستمعا جيدا وشجع الاخر على ان يتحدثون عن انفسهم
وده نقطة هامة فى كسب الاخر عندما تترك له الحديث وتبدء فتح الحوار فى موضوعات محببه له فهنا يعبر عن نفسه وعن ما يسعده ويشعر بالاهتمام وانه اهم شخص لك وده تفرق معه كثير . عامل كل واحد على انه اهم شخص اعطى انصات بكل كيانك وانظر فى عينه واسمعه جيدا ولا تنشغل ب اى شىء وهو يتحدث معك
4 تحدث فى اطار اهتمامات الشخص الاخر الطبيعى كل واحد عايز يتكلم عن الى بيحبه وكل واحد يعبر عن الاخر ‘ انما عندما تسعى لكسب الاخر عليك ان تهتم بما فيهم هو وده بنغلط فيه كأباء نتحدث عن انفسنا ونتجاهل اهتمامات ابناءنا . لكل اب وام حريصين على اكتساب الابناء ابحث عن ما يهتم بيه لو بيحب الكورة استمتع معاه فى مشاهدة المباراة وتجاوب معاه شوف هو مهتم بايه واقرب منه .
من مشكل المخطوبين عدم معرفة ما يحب الاخر واحد بيحب القراءة يجيب موسوعة للطرف الاخر وهو غير مهتم بالقراءة لكل واحد اهتمامات غير الاخر . فالاستماع الجيد تقدر تعرف والاستماع هو نقطة البداية وبالتالى هيكون الحوار على نفس الموجة بدون تشويش او نفور من الشخص الاخر
5 عامل الناس كما تحب ان يعاملوك : تحدث مع الناس عن انفسهم وسوف يظلون يستمعون اليك لساعات ؛ اجعل الشخص الاخر يشعر انه مهم وافعل هذا بصدق .
اهتم بالاسم وتاريخ الميلاد
الابتسامة
كن مستمعا جيدا وشجع الاخرين
تحدث فى اطار اهتمامات الشخص الاخر
عامل الناس بما تحب ان يعاملوك
اتمنى للجميع حياة سعيدة مع مهارات التنمية البشرية الى بيها تقدر تغير حياتك عندما تكتسبها
تحياتى
