ريموندا رؤوف
هنبدا النهارده بالقرايه
والبوست الجاى بنعمه ربنا نتكلم عن الكتابة
من خلال القرايات ودراسه المونتيسورى تعتبر ببساطه جدا الخطوات الأتية هى انسب الطرق
1️⃣اول سنتين للطفل واول ما الطفل يبدأ ينتبه للأشياء بيسال
ايه ده؟
مهم تجاوب صح وبكده بتكسبه معجم لغوى
مش شرط يكون عارف ينطق
لكن كله بيتخزن عنده
واول ما يبدأ لسانه يفك ويتكلم هتتفاجئ أن كل المخزون بيخرج
2️⃣ من سن سنتين تعلمه
⬅️التطابق ➡️
يعنى تجيب حاجتين وتقوله دى زى دى
تفاحتين مثلا وتقوله دى زى دى
اى مجسمات وتساعده يجمع اللى زى بعض
يجمع فين اللى زى فين
التطابق هو أول خطوه لتعلم القراءه
وبعد كده نعلمه اسماء المجسمات
3️⃣عشان نبدا نعلم الحروف من سن 3 سنين
تبدأ بصوت الحرف مش اسمه
وتخليه يلمس الحرف من خلال حروف الصنفرة
ويستحسن ابدا بحروف لغه واحده خلصها ودخل على اللغة الآخرى
ويقرا صوت الحرف
مش اسم الحرف
تانى هقول صوت الحرف هو اللى بيعلم القرابه مش صوته
ومتعلموش الحروف بالترتيب
خصوصا العربى
الحروف اللى شبه بعض ورا بعض بتلغبط
ترتيب الحروف مش بينفع فى القرايه اصلا
4️⃣لو استمريت لحد 4 سنين بالشكل ده بتخلى طفلك يلمس حروف صنفره بتاخد كل يومين حرف مثلا وتخلص حروف الانجليزيه وبعدين تدخل على العربى
هتلاقى طفلك وصل لل4 سنين عارف يقرا اصوات الحروف والاصوات ده اللى هتساعده للقرايه
5️⃣ممكن تبدأ تكون كلمات مع الطفل تجبله كلمه قدامه
وحروف على مكعبات أو ورق
ويرتب الحروف زى الكلمه بالظبط كانه بيعمل تطابق
الحرف ده زى الحرف ده
ويحاول ينطق صوت الحرف
6️⃣لما تيجى تعلم اسم الحرف بقى هتعمل تمهيد بسيط
تقول للطفل الاتى
زى ما الكلب اسمه كلب لكن صوته ايه ؟ وممكن نلعب ونعمل صوت الكلب
والقطه كمان
حتى احنا كل حد له اسم وله صوت
كمان الحروف ليها اسم وليها صوت كمان
ونتعلم اسم كل حرف
وخلال الوقت ده بيبقى ف
خطوات للكتابه بتمشى بصوره متوازيه
هتكلم عنها فى البوست الجاى بنعمه ربنا
