سهير وهبه
الكلام عن ابونا ابراهيم كتير .. لكن هاناخد بعض الفضائل اللي اتميز بيها عن باقى الناس ..
١ - إبراهيم خليل الله :
كانت صداقة أبونا إبراهيم مع الله زي واحد بيتكلم مع صديقه .. لدرجة إنه قال :
" هل أخفي عن عبدي إبراهيم ما أنا فاعله؟! " ( تك ١٨ : ١٧ )
٢ - إبراهيم رجل الإيمان :
« آمَنَ إِبْرَاهِيمُ بِاللهِ فَحُسِبَ لَهُ بِرًّا » غلاطية ٣ : ٦
إيمانه بوعد ربنا انه هايجيب إسحق .. رغم تقدمه في السن هو و سارة .. لكن آمن أن نسله ها يكون كالرمل اللى على شاطئ البحر من الكثرة !
إيمانه لما قدم اسحق ابنه ذبيحة .. واثق حتى لو اسحق مات .. ربنا قادر يقومه من الأموات .
٣ - إبراهيم رجل الطاعة:
طاعته لما ربنا قاله اترك أهلك و عشيرتك .. وعاش طول عمره غريب متنقل بخيمة و مذبح .
طاعته لما ربنا طلب منه يقدم ابنه اسحق محرقة على جبل المُريا تك ٢٢ : ٢
«خُذِ ابْنَكَ وَحِيدَكَ ، الَّذِي تُحِبُّهُ ، إِسْحَاقَ ، وَ اذْهَبْ إِلَى أَرْضِ الْمُرِيَّا ، وَ أَصْعِدْهُ هُنَاكَ مُحْرَقَةً عَلَى أَحَدِ الْجِبَالِ الَّذِي أَقُولُ لَكَ».
فبكر ابراهيم و قدمه على المذبح !
تعالوا نطبق اللي اتعلمناه:
١- كلم ربنا بدالة البنوة .. قرب منه علشان تحس بإحساس الإبن مش العبد ..
٢- درب نفسك على الايمان في الأمور الصغيرة علشان تثق في الأمور الكبيرة ..و إفتكر إن : "بدون إيمان لا يمكن إرضاؤه"
٣- اذبح الكبرياء بسكين الطاعة
لأن الطاعة مفتاح الإتضاع ..
هاتعيش طول عمرك مرتاح ..
واثق فى تدابير الله لكل أمورك
صباح الخير على الجميع🥰🙏
