بقلم : زهير دعيم
انتَ بعيوني الأحلى
زهر أيّار
انتَ في حسابي الأغلى
أرفع معيار
انتَ في السّما الأعلى
باكليل الغار
+++
كحّلت عيوني بحبّك
ونوّرت الدّار
ومحيت ذنوبي بدمك
وغسلت العار
انتَ وحدَك محبوبي
ربّ الأسرار
+++
مجدَك ملاّ دُنيتنا
والعقل حار
والقمر رسم بضيعتنا
لوْز ونوّار
والشمس شهقت وقالت:
إنّك البار
ربي يسوع
مهما قالوا وتغنّوا
عُشّاق النّار
وعبدوا غيرك وتبنّوا
ناموس عشتار
رح تبقى الربّ الفادي
طول المِشوار
+++
ازرع فينا قداسِه
ونفحات آذار
وانشر حبّك في الناسِ
غمار ...غمار
يا ملوّنلّي احساسي
عليك بَغار
+++
حترجع لكوكبنا
في شي نهار
وتعمّر معنا سهرتنا
اهل وأغيار
وترمي أمراضنا واوجاعنا
خلف البحار
