بقلم: الشاعر صفوت فريز غالي 

 عايزنى اصوت للاخوان هو دا معقول ؟
اختار انا دوول ؟
وفاكرنى ساذج مش فهمان ويقولوا عليا القبطى فلول
باع الثورة خسيس وجبان معقول ؟
طب مين كان واقف فى الميدان من عهد عرابى أو زغلول
وف حرب العاشر من رمضان اخويا استشهد مع حسان
وتقوللى كمان القبطى خان
ماليكمش حلول شككت فى إخلاصى لوطنى
مصر اللى باركها الديان افديها بعمرى
ومش ندمان وفالح بس علينا تقول أخدنا أوامر من مسؤل
ولاعندك حجة ولا مدلول
و انا اول واحد منكو إتهان من سب ولعن ف كل مكان
كنايسنا إتهدت ولا مسؤل فى امبابة او فى قرية صول مش انتوا اللى كسرتوا الصلبان؟
وتقوللى فلول ؟
عايز اعرف مين فينا المخلص قول بأمانة
. ولا مرة مسكت عليا خيانة
للثورة ويشهد كل ميدان
اما انت يا سيدى مالكش امان
واسأل واعرف مين مسؤل كذاب ووعودك دى دخان
وعايزنى اصوت للاخوان؟
جاوبنى يلا تعالى وقول من غير اللف ولا الدوران محافظ قبطى اتشال على طول وصرختوا وقولتوا دا اصلة فلول وحرقتوا قلوبنا بدون دخان انا اسف مش هاديكم صوتى والقلم الحر دا للشجعان وصوت الحق جرئ ويقول انا مش راح اصوت للاخوان 

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :