شعر جورج حبيب ( سيدني-استراليا
علي الاحبا والاصدقاء المحبين
يوم مبارك وبالصحة متمتعين
وابلبس بعيد عنكم ودايما فرحانين
ابدا يومك بصلاتك وكتابك مع القديسين
املا قلبك سلام ومحبة للاخرين
اغفر وسامح واتعزي مع الباقيين
لا للحقد ولا عتاب للمخطئين
وسلامك اهم وحياتك مع السمائيين
حتاخد ايه في الارض وكلنا مسافرين
مهما طال الوقت كلنا للارض تاركين
غبي اللي كنزه في الارض كانه من الدائمين
وفجاه يجي ميعاده و يكون من المغادرين
صباح الفل يا حبايب ودايما منتصرين
لا ابليس يقدر عليكم ولا انتم مهزومين
فكروا بحكمة وبلاش بلاهة المتبسطين
خلوا فرحكم بالسما امام عنيكم يا غاليين
علشان تنالوا الابديه وتكونوا دايما فرحانين
