هذه الأفكار كتبتها يوم 8/4/2012 وكنت بفكر ابعتها واكلمت مع ناس مقربين جدا انى ابعتها و ترددت انى ارسله والآن نادم انى لم ارسلها بس هذا ما كنت أؤمن به ومازالت وربنا شاهد عليا ان لم أعدل فيها منذ هذا التاريخ وإعتذر عن أى إخطاء املائيه وفيه ناس شاهده على كلامى ده هتلاقوهم عمله تاج فى النوت ديه .

 

 

بصراحه شديده انا نفسى الناس تختار صح وتتعلم تختار صح وحتى لو اخطاءت الأختيار مره ... هتتعلم من الخطاء فى المره الثانيه

 

نفسى لا نلقنهم من يختاروا أو نفرض عليها أحد أو نختار بعنصريه بل نعلمهم الأختيار بموضوعيه أو نتبع سياسة القطيع

 

يعنى ايه بموضوعيه يعنى اضع أسس للأختيار أفكر وأبذل مجهود  وأختارواتحمل تبعات اختيارى اضع مؤهلات وأمنيات يجب ان توجد  فى من اريده رئيسا من اره قادراً على تنفيذ أمنياتى وأحلامى  لهذا البلد من قادر ان يقودنى من قادر ان يصنع غد أفضل من وجهة نظرى اضع  موصفات هذا الرئيس ثم افحص المتقدمين جميعا اذاكر المرشحين كويس واختارالأفضل فى وجهة نظرى

 

يعنى ايه عنصريه يعنى أختار أختيار عنصرى يعنى أنا مع الثورة يبقى لازم اختار مرشح من الثوره مش مهم مؤهلاته ايه  ضد الثوره يبقى اختار من الفلول اخوانى يبقى المرشح الأخوانى ،  مسيحى يبقى القبطى  أفضل ، سلفى يبقى مرشح سلفى انا أبيض يبقى اختار مرشح أبيض (أبيض ده لون بشرته مش عقله ) نوبى يبقى اختار مرشح نوبى وهكذا ... هذا هو الأختيار العنصرى اختيار ليس فيه اسس اختيار ولا وجود لمعيار الكفاءه    ومؤهلات المرشح غير موجوده .

 

أما سياسة القطيع وهذه خطيره جدا انى مش هتعب نفسى واذاكر واختار انا هستنى يقولولى  مين وهمشى وراهم

 

جميل أن يبقى عندك توجه معين شايف ان المرشح الاسلامى هينهض بالبلد او المرشح اليبرالى هينهض بالبلد ده رايك ويحترم لكن  الخطاء هو الاعتماد على هذه النقطه فقط  ضع اسس للاختيار واختار على اساسه

 

مثلا اسس الأختياروهذه الأسس على سبيل المثال وليس الحصركالتالى ومن وجهة نظرى الشخصيه :

 

 وقد تختلف من شخص  لشخص  اخر و كل واحد حر فى اختياره كل واحد يجلس مع نفسه و يكتب طموحه فى الرئيس القادم وكل واحد مسئول عن اختياره ثم يذاكر المرشحين ويأخذ قراره بنفسه :

 

-  عايز رئيس  توجهه السياسي ايه  ( دولة اسلاميه – مدنيه بمرجعيه اسلاميه – دوله مدنيه )

 

وتوجهه الأقتصادى (رأسمالى – اشتراكى - أقتصاد حر – أقتصاد سوق  )

 

ولازم تبقى فاهم ايه الفرق ما بينهم معلش هتتعب شويه

-  عايزه مش حرامى

-     عايزه عنده فكر ورؤيه مستقبليه وخطه مستبقليه للنهوض بالبلد لها أهداف قابلة للتنفيذ وليست خيالية  

 

-    قدراته وخبراته الاداريه ومؤهلاته ايه :

 

يجيد اللغات – مستوى تعليمه ، خبره فى الادارة - خبره فى أدارة الأزمات -  ناجح له خبرات ناجحه  – عنده قبول لأختلاف فى الرأى هادئ وليس عصبى يؤمن بالديمقراطيه – يؤمن بالشعب انه مصدر السلطات  

-          عنده أمل متفائل طموح

-     عايز رئيس حازم أكيد مقصدش اسمه  عايز ديكتاتور مستنير  (البلد ديه متنفعش غير رئيس يمشيها على عجين متلغبطوش احنا شعب لازم يتحكم بالكرباج  صدقونى لا اقصد اتريق على حد ده مثال توضيحى فقط وزى ماقلنا كل واحد حر فى اختياره )

 

وهكذا ... كثير من الأسس  تختلف من شخص لشخص اخر

 

 فكر  مع نفسك وضع الأسس بتاعتك للى على اساسها هتختارهتسألنى انا حطيت الأسس و بعدين ..   ازاى أعرف كل مرشح واقيمه وأشوفه مناسب وببتوافق مع ما أطلبه وأتمناه

 

هذا دور كل مرشح ان يقوم بعرض نفسه وإمكانياته وأفكاره  عليك من خلال الأعلام والمؤتمرات الأنتخابيه هوه للى لازم يوصلك  و يجاوبك على كل الأسئله يبقى كتاب مفتوح وانته تبقى مركز أنه ميضحكش عليك  من الناس للى ممكن يعملك البحر طحين هوهيجبلك اعانة بطاله 2000 جنيه اسائله هيعملها ازاى ولو فشلت هتعمل ايه او مرشح صامت مش عايز يكلم الناس او يعرض نفسه على الناس ومعتمد على تاريخه ومقضيها بيانات على الشعب انا عايز اسمع صوته وهو بيكلم نفسى اشوفه مع مذيع على الهوا لكن المتعالى على الشعب وفاصل نفسه على الشعب هيفضل فاصل نفسه عن الشعب  او معتمد انه منتمى لتيار معين فخلاص ضامن الفوز فيه مقولة لاحد اعضاء القوى السياسة انهم لو رشحوا كلب ميت هينجح فى اى انتخابات وهذه اهانه للشعب ومحدش يقولى انى بلقح كلامى على حد انا بلقح كلامى على كذا حد

 

انا بحاول اوضح  امثله ولا اقصد الهجوم على حد

 

لأن المفروض انك بتختاره فلازم يساعدك انك تختاره لكن للى  قافل على نفسه ومعتمد على تاريخه او ... أو ...  مينفعش وده راى ممكن ناس كتير تختلف فى الراى ده

 

مهم جدا انك متحاولش تفرض رايك على التانى ولا تجرح فى الآخر بحب المقوله ديه جدا أعبد الحجر لكن لا تقذفنى به يا عم انته حر فى رايك واختياراتك أنت شخص مسئول

 

 لكن لا تشخصن المواضيع اقبل الراى المختلف معك ولا تجرح فيه هو حر ولا تعبتر نفسك الصح الأوحد او انا هذا المرشح هو الأنسب لمصر هو فعلا الأنسب من وجهة نظرك انت قد يختلف او يتفق معك البعض ،  ربنا خلق فينا ارادة حره وعقل به تختار وتتحمل تبعات اختياراتك ربنا خلق الناس مختلفين كان ممكن يخلقهم  كلهم من زوى البشره البيضاء وبشعر أصفر وعيونهم خضرا لكن خلق الناس مختلفين لان ارائهم مختلفه هتقولى احنا بنختار عروسه هقولك احنا بنختار اعلى سلطه فى البلد و المسئول عن كل شئ حط أسسك ومعايرك فى راسك تعرف خلاصك واعقدها وتوكل واختار بموضوعيه  ولا تختار بعنصريه او لا تختار أساساً أو حد تانى يختار لك او متروحش وتكبر دماغك كده كده للى عايزينه ينجح هينجح او رحنا وتعبنا ووقفنا فى الطبور بلا فايده المحاوله اساسا النجاح او مش شايف حد كويس فمش هاختارخالص

 

 لا و  مليون لا

 

أبوس ايدك لازم تختار

 

ابوس ايدك اتعب شويه بلدنا محتاجه تعب أتعب فى الأختيار اتعب فى توعية الناس

 

أبوس ايدك اختار بموضوعيه وابعد عن العنصريه

 

ابوس ايدك لا تحقر فى اختيار الأخر مهما كان

 

أبوس ايدك لا تختار تحت ضغوط او خوف -  اختار اموت بالسم ولا بالكهرباء ؟  لا هختار أعيش اذا الشعب يوما ارادا الحياه لابد ان يستجيب القدر عارف الناس هتقول الجمله ديه هيه للى خربت البلد بس انا مازلت مؤمن بربنا أولاً وبقدرته على تغيير بلدنا إلى الأفضل ومؤمن بالناس للى بتحب البلد وعايزها أفضل وبتبذل مجهود عشان تبقى أفضل

 

مازلت مؤمن ان فيها حاجه حلوه

 

مازلت بحبها وهى مطالعه عينى

 

مازلت متيقن أن بكره جايز يتاخر لكنه جاى ولو الليل طول اكيد هيطلع له صبح بس يارب نشوف الصبح ده مازلت  متفائل ان بكره احلى 

 

 وأخيراً ابوس ايدك حاول تنشر هذا الوعى بين الناس 

 

   قد يتفق معى البعض او يختلف فى وجهة النظر ديه ويقول ده تفتيت اصوات والناس جاهله ومش هتعرف تختار الجاهل علمه يختار صح وعيه لكن هتختار له

 

يبقى لا تنتقد من يفعل هذا ويحرك الناس لاختيار شخص معين ويستخدم سياسة القطيع

 

معالجة الخطاء بخطاء لا يحل المشكله بل يجعل المجتمع كله خطاء ويجعل الخطاء قاعده بل قانون حياة

 

ومش مبرر ان مفيش وقت فأنا أغششه حل الأمتحان علمه يحل الأمتحان لوحده وثق انه هيختار صح لو علمته ازاى يختار صح لو مزنوق اوى ومش عارف يختارساعده شويه غششه بس مش أوى قله شوف  الدول المتقدمه عملت ايه قوله استفاد من خبرات الآخرين قوله شوف التاريخ

 

أعتقد أن الدول تقدمت يوم ما استثمرت فى الأنسان وفى المواطن  وفى تعليمه يوم ما عتبرت ان مواطن الدوله هو اهم ما تملكه الدوله من مواردها وهو المورد التى لا تستطيع تعويضه ان خسرته هو مستقبلها لذلك كرست كل مجهودها للارتقاء بيه .

 

والله الموفق والمستعان

 

الفى ملاك

 

مرشح محتمل لرئاسة جمهورية نفسه - للأن ضابط نفسه خير من ضابط مدينه