كتبت – أماني موسى
قال الرئيس عبدالفتاح السيسي، اليوم الأحد، دائمًا أقول أن رهاني على الناس ووعي المصريين، وهو أقوى سلاح ضد الأفكار والدعوات الهدامة.
وتوجه بالشكر للمصريين على رفضهم الدعوات الهدامة من قبل بعض القيادات الإرهابية، قائلاً خلال كلمته بافتتاح أكبر مجمع لتكرير البترول في مسطرد بمحافظة القليوبية، "بيستغلوا المواقف الصعبة اللي إحنا بنعملها، وإحنا قدامنا حلين يا نعمل ونصلح ونسكت وتستمر الظروف الصعبة".
مشددًا، "هما بيختاروا الظروف الصعبة عشان يشككوا المصريين إن اللي بيحصل دة ضدهم، أبدًا والله.. هو رهان عليكم أنكم قادرين وبتتحملوا.. أنكم متفهمين وبتتحلموا واللي بيتعمل بيكون بيكم.. الشعب والدولة حاجة واحدة ومحدش يقدر يدخل بيننا".
وتابع الرئيس: "بنصلح فى الأرض.. ورهاني على الناس والحمدلله كان الرهان دائمًا كسبان، لأننا بنصلح في الأرض، لو بفسد فى الأرض هبقى خايف لأن مش هيبقى معايا ربنا.. وأن الناس نحن نعمل فى مسار إصلاح وتنمية وتعمير لأن الدولة تحتاج إلى هذا.. الإصلاح الاقتصادى لم يكن سهلا.. وبفضل الله عدينا منه وحققنا انجازات الدنيا كلها ببتكلم عليها.. وأنا بقول "بفضل الله" وقدرنا نواجه الاقتصاد المتعثر والسياحة وغيرها".
