كتب – محرر الاقباط متحدون ر.ص
كشف دكتور أسامة ارميا، وضع فيروس كورونا التاجي المستجد في مصر، محذرا من الاستهتار بالفيروس قائلا :" كل واحد يشيل شيلته."
وقال عبر حسابه على "فيسبوك"، ببساطه كتير مننا قرر مع نفسه إن الكورونا #بقدرة_قادر خلصت وانتهت من مصر وقرر يعيش حياته وفي نفس الوقت تلقي كتير مننا بردوا قرر وكمان بقدرة قادر ان الموجه التانية جت وخلاص بدأت تشيل ما تخلي ونيجي بقي #للجزء_الاكبر اللي مش شايف الكورونا اصلاً وعايش حياته وقاعد مستغرب من اللي بيحصل!!!، طيب هي الحقيقة كده تاهت بين إستهتار اللي قرروا انتهاء الكورونا وبين قلق وتوتر وانزعاج اللي قرروا وجود الموجه التانية وإنها أشد وأشرس من اللي الأولي!!!.
مردفا :" #نقول_الحقيقة_بما_يُرضي_ربنا... الكورونا ليسه موجودة آه ليسه موجوده وفي وفيات كمان محدش يقدر يُنكر كده كمان لكن قولاً واحداً اقل من قبل كده وده واضح وحتي لو حصل زيادة في خلال الأسبوعين اللي فاتوا لكن أبدا ماوصلناش وان شاء الله مش هنوصل لأرقام شهر يونيو تحديدا لكن توصيف المرحلة اللي إحنا فيها إيه هو عنوان البوست فوق #كل_واحد_يشيل_شيلته يعني ايه الكلام ده..يعني مفيش داعي للقلق والتوتر طول ما انت واخد بالك من نفسك وبتراعي التباعد الاجتماعي بقدر الإمكان والنظافة والكمامة تحديدا في التجمعات والأماكن المغلقة حضرتك فعلا مفيش داعي للقلق..
لافتا :" لكن اللي مستهتر ومش في دماغه الكورونا هاقولك كلمة أنت ونصيبك وظروفك بس حقك عليا أحذرك أن #الكورونا_موجوده وفرصة انك تلقط العدوى عاليه وبردوا انت ونصيبك وحملك الفيروسي اما بالنسبة للي اخدوا العدوى ماتقلقش انت بخير وفرصه انك تاخد العدوى مره تانيه علميا حتي الآن مستبعدة بس حرصك علي نفسك دي حاجه مفيهاش نقاش بس المهم انك بخير وتابع نفسك وحالك.#حاولت_الخص_الوضع_في_كلمتين ويارب أكون اتوفقت وممكن تساعدني انك تشير البوست علشان يوصل لأكبر قدر من الناس :
#كورونا_حتي_لو_ضعفت_بس_ليسه_موجودة
#كورونا_ربنا_حنين_كريم
#كورونا_د_أسامه_أرميا.
