كتب - نعيم يوسف
تداول عدد من رواد مواقع التواصل الاجتماعي، منشورًا يقارن بين موقف الإخوان، والمسيحيين من الوطن في الأزمات المختلفة التي تتعرض لها مصر.
وقال المنشور المتداول: "أنا فاكر الاخوان زمان كانوا عايزين يمنعوا المسيحيين من دخول الجيش، عشان يمنعوا عنهم الحرج لو مصر حاربت بلد مسيحيه، طيب دلوقتي كام واحد مسيحي مصري ممكن يقف مع اثيوبيا ضد مصر؟ مفيش".
وأضاف: "كام مسيحي مصري حاطط صوره رئيس اثيوبيا علي البروفايل؟ مفيش.. طيب كام مسيحي يتمني بينه و بين نفسه ان اثيوبيا تكسر جيش مصر؟ مفيش.. طب كام رجل دين مسيحي بيحرض المسيحيين ضد الجيش المصري؟ مفيش.. كام رجل دين مسيحي بيدعي علي الجيش المصري في القداس لصالح الاثيوبي؟ مفيش.. شوف بقي الاخوان كفصيل مصري بيعملوا ايه مع تركيا؟؟ عشان تعرفوا مين الوطني، و مين اللي بيعتبر مصر حفنه تراب عفن".
