ريموندا رؤوف عزيز
اثبتت الدراسات ان الاطفال الاكثر عرضه للتحرش دى مجموعه منهم يا اطفال مهمله فى بيتها
يا اطفال مخدتش حقها فى التعبير عن رايها بحريه
ومعرفتش تقول لا
وحاسين ان ال لا بتاعتهم ملهاش اى قوه ولا ليها اى لازمه
فلما حد يتعدى عليهم مش بيقدرو لا يصوتو ولا يزعقو ولا يقولو لا لانهم معدومين الاحساس بقوتهم
سيب ابنك يقولك لا ايه المشكله
سيبو ولادكم يعبر عن رايهم الدنيا مش هتخرب
سيبو يقولك مش عايز اكل وقوله تمام براحتك
ادو لولادكم مساحه يحسو بيها بقوتهم عشان شخصياتهم تنضج ويحسو بقوتهم وانهم يقدرو يقولو لا
فى كتاب اسمه NO more Mr. nice guy
الكتاب ده بيقول ان فى شباب بيكبرو بيتعودو ان حدودهم تتكسر ومش عارفين يقولو لا لحد وحدودهم ضايعه فى الوقت وفى المسؤوليات وفى انواع مختلفه من الحدود
عشان اتقالهم وهما صغيرين ( بلاش تقول لا دى قله ادب- لازم تقول حاضر ...الخ ) رسايل كلها بتجرم ال لا
اسمحولهم بمساحه من الحريه عشان متندموش بعد كده
مش هقدر انسى مكالمه جاتلى لام ولادها فى سن المراهقه بتقولى انا غلطت انى ربيت ولادى انهم ميقولوش لا ودايما كنت بكسر ارادتهم وبشيل ده دلوقتى من شباب مراهقين معدومين الثقه فى نفسهم ومش عارفين ياخدو حقهم ولا عارفين يدافعو عن نفسهم
ربنا يسوع المسيح سمحلنا نقول لا على فكره ( ليكن كلامكم نعم نعم ...ولا لا ...)
يعنى لو كلمه لا دى خطيه مكنش قالها
ال لا كتير بتكون سبب بركه لان بسبها بيقول لا للادمان ..للخطيه ...لكل ما هو ضد مبادءك
اسمحولهم يقولو لا
دى مش قله تربيه
ده نضوج فى التربيه
اهم حاجه نعلم ولادنا نقول لا باحترام – بتقدير للناس اللى حوالينا – بكل وضوح ومن غير كسوف – بقبول للمناقشه
#تربيه_مسيحيه_ايجابيه
💎كل مقالات التربيه هتلاقوها على الهاشتاج ده :
#تربيه_مسيحيه_ايجابيه
او من خلال البوست المجمع فى اللينك ده
https://m.facebook.com/story.php?story_fbid=10157814677851725&id=654421724
🔮خادمه بكنيسه مارمرقس بشبرا
وممكن تتابعو كل مقالات والبومات وفيديوهات المركز التربوى التابع لكنيسه مارمرقس بشبرا من اللينك ده
مركز كوكب مارمرقس للتدريب والبحث العلمى
https://www.facebook.com/00mpc00/
ريموندا رؤوف عزيز
مدربه مونتيسورى واداره سلوك من الطفوله للمراهقه
