كتبت – أماني موسى
استنكرت السيدة "أنيا وائل متفالي" مدربة رياضة روسية الجنسية تعيش بمصر، الفيديو الذي تم تداوله عن الكويتية ريم الشمري والذي تتطاول فيه على المصريين وتصفهم بـ "الخدامين".
وقالت أنيا، يا أستاذة ريم إزاي قدرتي تتكلمي على المصريين كدة؟ المصريين ليسوا بقذرين ولا حقيرين، المصريين دول حضارة 7 آلاف سنة، ومصر أم الدنيا، لكن يبدو أنكِ لم تذاكري التاريخ بالمدرسة ومش متعلمة أي حاجة.
وتابعت في فيديو نشرته عبر صفحتها بالفيسبوك، المصريين مش هيردوا عليكي عشان عندهم أخلاق وذوق واحترام، وأنتي متعرفيش يعني إيه ذوق وأخلاق.
مضيفة، أنتي بتشتمي في الراجل المصري، أنا عايزة أقولك أن الستات في مصر رجالة وجدعان.. فما بالك بالرجالة؟
وأردفت، هم بيشتغلوا برة بلدهم عشان هم مطلوبين لذكاءهم ومهارتهم، وعشان هما مهندسين ودكاترة ومتعلمين، أنا عيشت 9 سنين في مصر و9 سنين في الإمارات، مصر بها الحضارة والعلم، والمعلمين المصريين علموكم القراية والكتابة.. لولاهم كان زمانكم جهال، المصريين مخهم نضيف وعندهم ذكاء.
وشددت، متتكلميش كدة على المصريين عيب، الجيش المصري هو من حرركم من قبضة صدام، ولولاهم مكانش هيبقى عندكم وطن وأرض.
