تسريب صور اعدام الخائن هشام عشماوى ونشرها بالشكل الواسع ده بيقول انه رد فعل شعبى متوقع على عرض الجزيرة القطرية -ودى مؤسسة اعلامية مملوكة للدولة القطرية - افلام عن قنص جنود الشرطة والجيش فى سيناء وسقوطهم قتلى ..مكانش عندها اى اخلاق نهائى او معايير حقوقية واعلامية فى عرض صور قتل الجنود وعرض صورهم ..
حتى مفكرتش فى الاذى النفسى اللى لحق باسرهم ولا بالحالة المعنوية لباقى العساكر اللى بتحارب الارهاب فى سيناء ..هل تحركت اى مؤسسة حقوقية وادانت ..الامم المتحدة جرمت ..الاجابة محدش فتح بوقه .
الجزيرة القطرية ووسال الاعلام الغربية هى اللى عودت المشاهد العربى على تقبل المشاهد العنيفة والصعبة اللى من النوع ده .
لما الجزيرة عرضت مشاهد ذبح داعش للمصريين المسيحيين فى ليبيا ..حد جرم ..حد قالهم حاجة ..ولا حاجة .
لما بتعرض مشاهد قاسية بتقول انها لتعذيب اشخاص ودى قاسية ومهينة ..حد قال حاجة ..ولا حاجة .
لما عرضت حرق جثمان الطيار الاردنى معاذ الكساسبة وصور اعدام داعش للرهائن ..حد قالهم حاجة ..ولا اى حاجة .
لما اتعرضت مشاهد القبض على صدام حسين وبعدين اعدامه هل تحرك احد وجرم عرض المشاهد واللقطات على سى ان ان..وصور التمثيل بجثة القذافى وعلى عبد الله صالح ..ولا اى حاجة
تسريب الولايات المتحدة لصور جثة بن لادن والبغدادى قبل ما ترميهم فى البحر زى ما قالت ..حد قال حاجة ..ولا اى حاجة .
لما اتسربت لحظة اعدام وحرق جثة ايخمان الظابط الالمانى النازى اللى اتهم بقتل وحرق اليهود ..حد قال حاجة ..ولا اى حاجة .
