كتب - نعيم يوسف
تداول عدد من النشطاء مقطع فيديو لأحد الأشخاص يحذر المواطنين من التواجد في الشارع دون إجراءات احترازية، وشراء المستلزمات من الأماكن المزدحمة، مشددا على أن هذا يعتبر متاجرة بأرواحنا.
وقال هذا الشخص الذي يحمل ميكروفون: "إحنا بنتاجر بأرواحنا على فكرة.. مينفعش ننزل من غير كمامات وإجراءات.. بالله عليكم فيه حد لية نفس للعيد!! فيه حد حاسس إننا في شهر رمضان!!"
وتابع: "قفلوا المساجد والكنايس.. ولسة فيه ناس نازلة تشتري لبس العيد!! إحنا هنهرج!! فين العيد اللي هتنزلوا تشتروا لبس ليه!! العيد مش عارفين هتعرفوا تصلوا صلاته ولا لا! مش هتصلوها".
وأضاف: "في ظل السواد اللي إحنا فيه مش هنعرف نصليه.. والله العظيم تلاتة الموضوع صعب مش سهل.. حضرتك نازلة في مكان ضيق.. ممكن أي حد فيه يكون مصاب أو تعبان.. إحنا فيه في الشارع عندنا 4 مصابين.. ممكن نوصل لحظر كامل.. ابنك اللي نازل يلعب وقت الحظر في الشارع..ممكن يجيبلك المرض ويطلع".
ولفت إلى أن "قرار راجل البيت مهم"، معقبا: "حضرتك فين!! الست اللي بتزل أمها الكبيرة في السن تجيب حاجات من الشارع.. دول أكتر ناس عرضة للمرض.. يا أخي حس على دمك.. والله اللي إحنا بنشوفه في الشارع عيب".
الجدير بالذكر أن إصابات فيروس كورونا في مصر تصاعدت وتيرتها في الأيام الأخيرة، حيث سجلت وزارة الصحة أمس الخميس 398 حالة جديدة، ليرتفع الإجمالي إلى 10.829 مصابا، بينهم 571 متوفيا، و2.626 متعافيا.
