كتب – محرر الاقباط متحدون ر.ص
رد الدكتور محمد علام، نائب مدير مستشفى النجيلة بمطروح، على سؤال "هل وباء كورونا سينحصر حتى يختفي من تلقاء نفسه مثل السارس ؟."
وكتب "علام" عبر حسابه على "فيسبوك"، الرد : لا غلط، كالعادة الكلام أترجم ناقص الفيروس مازال قوى وللأسف تحوراته اللي حصلت كلها قويه مضعفش لو عاوز تعرف السبب كمل الكلام لحد الأخر ونعمل شير علشان يوصل لكل اللي سالوا."
وتابع :"الدراسة اتعملت على ٣٨٢ عينه وجدوا (عينه واحده فقط) فيها اختفاء ل 81 حرف من أصل ٣٠ الف حرف من ترتيب الجينوم الخاص بالسارس ٢ (الكوفيد)، كل المرضي اللي اتاخد منهم عينات كانوا عليهم أعراض إذا التغيير ده ماثرش في أعراض المرض، ماثيو سكوتش احد المشاركيين فى الدراسه قال : " من الممكن أن ينتقل الفيروس دون امتلاك أجزاء كاملة من مادته الوراثية". "كان هذا فيروسًا واحدًا ولا نقترح أن هذا يعني" إضعاف "من أي نوع.
وواصل :" وحسب كلامه دى المرة الأولى اللي يتشاف فيها التغير ده في ١٦ الف عينه أتعملها تسلسل لحد دلوقت فى العالم، ليه بقى رديت على الخبر ده علشان الناس بعتتلى كتيير وبتسال هو خلاص ضعف وانتهى !!! مينفعش نوصل للناس انه انتهى ده غصب عنهم هيخليهم ينزلوا مش مامنين نفسهم الناس دلوقت بتدور على اى كلمه علشان تصدقها وتنزل لحياتها الطبيعية."
ولفت :" اللى بيحصل في الشوارع ده كل واحد نشر خبر أو طلع على التلفزيون وأتكلم كلمه غلط خلت الناس تهمل مسئول عنه ، الأكلات اللي بتحمى والمشروبات اللي بتموت الفيرس قبل ميوصل للرئة ومناعة المصريين القوية وتطعيم الحصبة وغيره وغيره ده شكل رأى الناس اللي ماشيه في الشارع فاتحه صدرها ولا هاممها وكله كلام غلط خدوا بالكم من تاثير اى كلمه بنعملها شير ."
