كتبت – أماني موسى
استنكر الإعلامي عمرو أديب انتقاد بعض المصريين القادمين من الخارج، للحجر الصحي الموجود في المدن الجامعية ومراكز الشباب، وقيام البعض منهم بتصوير فيديوهات من المدن الجامعية وإرسالها لقناة الجزيرة الإخوانية.
وقال أديب في برنامجه "الحكاية" المقدم عبر شاشة MBC مصر، كان الكلام للمصريين قبل العودة رجعونا بس وإحنا نبوس تراب مصر، وبعد كدة شفنا العجب، ومش عاجبهم ويبعتوا فيديوهات للجزيرة، وأنا مستغرب من الناس اللي بتنتقد وهم محدش هيدفع جنيه، في حين أنهم راجعين بكل فلوسهم وحاجتهم.
وتابع، الدولة تحملت كافة المصاريف بدءًا من الطيارة، وحتى الوصول مع تحمل تكلفة الأكل والشرب والرعاية الصحية لأسبوعين لأكثر من ألف شخص، مستنكرًا: في إيه يا جماعة؟ دة أنا تخيلت أن في حد هيشكر الدولة على مجهودها وتعبها ومجهود الأطقم الطبية.
وتابع، عايز تنزل على فندق فك كيسك وأدفع، ومع ذلك أنا مش شايف الأماكن صعبة، وخليك فاكر أنت مش جاي رحلة، وأنا بقول رسالة واضحة لكل اللي لسة برة: اللي متضايق ميجيش دي بلدنا ودي ظروفنا.. اللي جاي يقعد مجانًا ده المستوى اللي متوفر ولو عايز تروح مرسى علم ادفع.. هو إنتوا راجعين على سويسرا.
