كتبت – أماني موسى
قال د. ماهر الجارحي، نائب مدير مستشفى حميات إمبابة، أنا في غاية الحزن من عدم إتباع الكثيرين للإجراءات الاحترازية، مشددًا: إحنا كأطباء ووزارة الصحة عملنا اللي علينا وأكتر، لكن للأسف لم يوجد أي اهتمام من المواطنين باتخاذ إجراءات الوقاية ضد الفيروس.
وأضاف في مداخلة هاتفية ببرنامج "كل يوم"، الناس مش قادرة تتصور الكارثة اللي ممكن تحصل نتيجة عدم اتخاذ الاحتياطات الوقائية ضد فيروس كورونا، وإحنا بنقول خلوا بالكوا والتزموا.. المعدل بيزيد بأعداد كبيرة جدًا والأطباء موجودين ليل نهار بالمستشفيات عشان يعالجوا المرضى، لكن كدة مش هنقدر، وبنناشد المواطنين ساعدونا.
وأشار إلى أن الكثير من المرضى يكونون حاملين للفيروس ولا تظهر عليهم أي أعراض ويقومون بنشر العدوى بالتعامل مع الآخرين، وهنا تكمن الخطورة، فمع الوقت سنفاجئ بالأعداد الكبيرة والوفيات.
واستنكر عدم وعي الشعب حتى بأبسط أمور الوقاية كارتداء الكمامات، وأؤكد: الموقف مش سهل، احترموا نفسكم مش عايزين نبقى زي بريطانيا، أنا بمشي بالليل بالشوارع والناس عايشة حياتها عادي دون أي التزام بالحظر أو الحجر المنزلي.
