كتبت – أماني موسى
قال القمص مكاري يونان، كاهن الكنيسة المرقسية الكبرى، اليوم إن سمعتم صوته لا تقسوا قلوبكم، ونداء المسيح لكل شخص حتى يفارق الحياة، طول ما أنت على الأرض الباب مفتوح أمامك، ولا يغلق الباب أمام إنسان طول ما الإنسان موجود على الأرض.
الله قد يسمح بالشرور والألم والمرض للبركة
وتابع في عظته الأسبوعية أمس الجمعة، الله قد يسمح ببعض الشرور والألم والمرض، وذلك للتوبة والبركة، بسبب كورونا ناس كتير رجعت لربنا وناس كتير تخلت عن شرور كانت بتعملها، وناس كتير تابت، ونقول كورونا للبركة حتى لو اتقفلت الكنايس.
كثيرون عادوا لربنا بسبب كورونا
وقال أحدهم في رسالة: أنا كنت بعيد عن ربنا ومش بفكر غير في أحلام الدنيا، ودلوقتي أشكر ربنا راجعت نفسي وحساباتي وقربت من ربنا وعرفته، وعلق كاهن الكنيسة المرقسية الكبرى: هذا الشخص وكثيرون مثلوا عادوا لربنا بسبب كورونا، وكمال قال الكتاب المقدس "كل الأشياء تعمل معًا للخير للذين يحبون الله".
القمص مكاري لشاب مسلم: في خدمتنا لا نفرق بين مسلم ومسيحي.. كلنا حبايب ربنا وكلنا عنده سواء
قال أحدهم في سؤال إلى القمص مكاري يونان: أنه شاب مسلم اسمي أحمد، وخطب فتاة تدعى مريم وكان يحبها كثيرًا، وفجأة تغيرت معاملتها معه وبالسؤال تبين أنها بدأت تعاني من تشنجات وفقدان للنطق وأعراض أخرى كثيرة، وبعرضها على أحد المشايخ أكد أن بها "جن"، وطلب الشاب من القمص مكاري الصلاة لأجله ولأجل خطيبته أن يحلها الله من المس الشيطاني وتعود سليمة.
من جانبه رد القمص مكاري يونان، قائلاً: شوف يا أحمد، إحنا في خدمتنا لا نفرق بين مسلم ومسيحي، كلنا حبايب ربنا، وربنا بيحبنا كلنا، وكلنا عنده سواء، وربنا يدينا نعمة نكون خدامين للجميع، وعايز أقولك ربنا أوصانا بأن لما يكون حد عيان روحوا صلوا عليه وقولوا باسم يسوع المرض يخف.
وتابع، باسم يسوع المسيح بقوة دم صليبه وسلطان لاهوته المحيي.. أمر كل روح مضادة هاربة أو محاربة أو ساكنة في جسد مريم، بمغادرة الجسد، وعدم العودة إليه، كل رقية كل حر كل سحر يبطل، وتبطل كل المحاربات آمين.
كاهن المرقسية لسيدة خايفة من الموت: من غير مجاملة كلنا ضيوف على الأرض يومين وهنروح
وقالت أخرى، "أنا مش بروح الكنيسة خالص أو أتناول وحين سمعت بوباء كورونا بدأت أصلي في البيت وحسة أني خايفة من الموت وأني أقابل ربنا وأنا مش مستعدة، أنصحني أعمل إيه، وأصلي إزاي خاصة أن جوزي كمان عمره ما راح الكنيسة، ورد القمص مكاري يونان: أنا عايز أسأل الناس اللي زيكم أنتوا عايشين ليه؟ ومن غير مجاملة كلنا ضيوف على الأرض يومين وهنروح، وكل اللي هنا هيكون بلا أي قيمة، وكل مشغولية العالم ملهاش قيمة مع خروج روحك وانتهاء العالم.
كورونا بركة تلفت انتباهنا للسما
وتابع، مسكين الإنسان اللي كل مشغوليته بالأرض، يومين وهنروح، ونفس ممكن يطلع ميدخلش تاني، إحنا مالناش حاجة هنا، والمرض وكورونا بركة يلفت انتباهنا للسماء وأننا لا نتمسك بالأرض.
الإنسان لا يستطيع أن يؤمن بربوبية المسيح إلا بعمل الروح القدس
وفي سؤال لسيدة أخرى، حول الإيمان بالسيد المسيح، قال القمص مكاري: الإنسان لا يستطيع أن يؤمن بربوبية المسيح إلا بعمل الروح القدس، هذا الكلام لا يستطيع الإنسان فهمه أو قبوله بفهمه البشري، لكن بطلب معونة الروح القدس الذي يضيء الطريق للإنسان ويضيء عيونه لمعرفة الطريق الحق.
امرأة متدينة وتمنع نفسها عن زوجها لسنين .. إيه الحل؟
وقال آخر، أن زوجته امرأة متدينة وتحرص على قراءة الكتاب المقدس والذهاب للكنيسة، ولكنها تمنع نفسها عنه لمدة سنوات، متساءلاً: هل دة يرضي ربنا؟ وأجاب القمص مكاري: السؤال الأول ليك أنت.. يا ترى هي عازلة نفسها عنك ليه؟ لازم تصفي ضميرك وحسابك أمام ربنا لئلا يكون لها أسباب معقولة عليها تعزل نفسها عنك، ثم أسألها هي: زوجة لسنين عازلة نفسها عن جوزها ليه؟ لو في خطية تبقي إنسانة عامية وبتلعب بالنار وبتضحك على نفسها، إلا إذا كان لها أسباب معقولة، وعليكم أنتم الاتنين تقعدوا أمام ربنا وتراجعوا حساباتكم.
