نشرت الفنانة شيرين عبد الوهاب، عدة تغريدات لها عبر حسابها الرسمي على موقع التدوينات القصيرة تويتر، كشفت فيها عن عدة تغييرات طرأت على حياتها الخاصة بعد فترة الحجر المنزلي الصحي'> الحجر المنزلي الصحي لمجابهة تفشي فيروس كورونا المستجد - كوفيد 19.
في التغردية الأولى، قالت شيرين عبد الوهاب: «أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا».
وفي التغردية الثانية، قالت شيرين: «ساعات لما كنت بصلي كنت بحس إني بعمل الواجب أو أسرح في الصلاة أنا هعمل غداء إيه النهارده، بس الواحد لما بيقف قدام ربنا ويركز في الكلام اللي بنقوله زي ما بنقول في الفاتحة "الرحمن الرحيم" هو فعلا رحمن وحنين وأحلى حاجة في الدنيا».
وتابعت شيرين، في التغريدة الثالثة: «زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي».
واختتمت شيرين، في تغريدتها الرابعة: «أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويعدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده».
