كتبت – أماني موسى
استنكر الإعلامي عمرو أديب تواجد آلاف المصلين بصلوات الجمعة بالمساجد، وحلقات الذكر والعتبة وغيرها من المناطق، مشددًا أن كل المراجع العلمية داخل وخارج مصر أكدت أن الفيروس ينتقل بالاختلاط.
متساءلاً، ما يحدث يخالف العرف والمنطق والعقل، حيث احتشاد آلاف المصلين في مكان مغلق، في حد يعمل كدة؟ دة الحرم المكي والحرم النبوي منعوا فيهم الصلاة؟
وتابع، ما هي الفكرة أن يذهب آلاف المصريين للصلاة؟ ليه مطلعش قرار بإيقاف صلوات الجمعة؟ لا وتلاقي واحد طالع يقول لن تموت نفسًا إلا حين تستوفي أجلها، خلاص بقى أنتوا تاعبين نفسكوا ليه؟ إحنا هنموت لما يجي أجلنا، محدش يجي يقولي عالجني ولا حد يجي يقولي أنا عايز مستشفى، ولا حد يجي يقولي أنا عايوز اعمل اختبار، خلاص بقى نروح نرمي نفسنا قدام القطر أو نرمي نفسنا من الدور التاسع؟
وشدد، ليه إلى الآن لم يصدر قرار بإلغاء صلاة الجمعة؟ الناس اللي واقفة في صلاة الجمعة لو حد فيهم مات ذنبهم هيبقى في رقبة مين؟ صلوا في البيوت وربنا موجود في كل حتة.
