كتبت – أماني موسى
طالب الإعلامى عمرو أديب بتحويل الكنائس والجوامع إلى مستشفيات ميدانية للتصدى لفيروس كورونا، قائلاً: التحدي الآن أمام النظام الصحي هو وجود مستشفيات وأسرة كافية.
مستنكرًا مشهد احتشاج الآلاف للصلاة بالمساجد يوم الجمعة، ثم توجه الآلاف منهم إلى حلقة ذكر بالسيدة زينب، قائلاً: يا جماعة ليه كدة؟ في حد يعمل كدة؟ يعني خلصنا الصلاة نروح نبقى نشوف رأي أم العواجز إيه في الموضوع؟ هل دة يرضي ربنا؟ هو ربنا قال كدة؟
وأضاف، ربنا قالنا ولا تلقوا بأيديكم إلى التهلكة، الآية واضحة، نقف جنب بعض مش نلقي بأنفسنا إلى التهلكة.
مؤكدًا، المشهد دة لو في أي دولة تانية، أقسم بالله كانت الشرطة جات لمت الناس دي كلها، أي دولة تانية مفيش الكلام دة، دي مش حرية شخصية أنت كدة بتضر بالناس والعالم من حولك، هيحصل إيه لو صلينا بالبيت؟
