كتب – محرر الاقباط متحدون ر.ص
قال الكاتب الصحفي كمال سدره، لفت انتباهي منذ أيام، إعلان السلطات السويسرية مشاركة ٦٠٠ فرد من الجيش السويسري (كتيبة استشفائية) في جهود مكافحة تفشي فيروس كورونا، والمهم في الخبر هو الكتيبة المكونة من ٦٠٠ فرد قادرة علي خدمة ٢٠٠ مريض فقط، يعني المعلومة الهامة هي أن كل مريض بيحتاج ٣ أفراد متخصصين يخدموه سواء دكاترة أو أطقم تمريض أو باقي الوظائف المساندة."
وتابع "سدره" عبر حسابه الرسمي على موقع التواصل الاجتماعي "فيسبوك"،:" وده معناه أن مفيش نظام صحي ممكن يستوعب أعداد كبيرة في حالة تفشي وباء -لا أفراد ولا معدات-، وده اللي حصل في ايطاليا وبسببه حطوا أولوية للناس اللي هيقدموا ليهم الخدمات الصحية، والباقي ربنا يتولاه."
ونصح :" كل واحد عنده أعراض خفيفة أو مش بتهدد حياته، يعزل نفسه بنفسه بعيد عن آسرته ويكون مجهز أدوية لعلاج الأعراض، طبعاً رأفة بنفسه وآسرته أولا وبالمحتاجين للرعاية الطبية المباشرة من كبار السن وأصحاب الظروف الصحية الخاصة، لان الضغط علي القطاع الصحي ببساطة هيؤدي لتدميره وشله."
