كتبت - أماني موسى
قالت أحدهم، أنا مخطوبة وجارنا عايزني أفك الخطوبة ويجي يخطبني وأمي موافقة على كدة، بس أنا خايفة أفك خطوبتي وميجيش يخطبني.. اعمل إيه؟
ورد القمص مكاري يونان، المشكلة في عقلك أنتي وأمك، أنتي مخطوبة، ومعنى أنك اتخطبتي لواحد يعني رضيتي بيه وراضية بالأمر، يعني المفروض يكون هو عريسك، إزاي تسيبيه عشان واحد تاني قالك أخطبك؟ أمك إنسانة عالمية بتدور على حاجات تبع الأرض، وإحنا في أمورنا المفروض نمشي بمخافة ربنا.
وتابع، ربنا سمح أنك تتخطبي لواحد يبقى تكملي إلا إذا وجدتي شيء صعب لا يمكن تغييره، وخلي بالك ممكن اللي تتخطبي له دة يسيبك ويقولك أنتي شخص غير أمين.
