Jaky Jack
#كورونا_إيطاليا _
كلمتين مهمين جداااا معلش كل واحده تتعب وتشوف كلامى لأن ده للأمانه مهم جداااا.
الرئيس لغى الدراسه فى مصر اسبوعين والناس عماله بقى جزء فرحان وجزء زعلان وجزء مش فاهم،علشان كده هحكى تجربتى الشخصيه بما إنى مصريه عايشه فى إيطاليا بليززز استفيدوا من إلغاء الدراسه وخلوا بالكم من نفسكم ومن أولادكم، انتوا فى نعمه حافظوا عليها، بلاش تجمعات بلاش خروج كتييير بلاش بوس واحضان ليه بقى؟؟؟
الشعب الايطالى نسخه من الشعب المصرى فى إيه بقى أول ما الفيروس انتشر وكان يا دوب ٢٠ حاله وقفوا الدراسه بردوا بس للأسف الناس مبطلتش خروج وتجمعات ودايما يقولوا كورونا مين ده بييجى لكبار السن أكتر وبما أن فعلا إيطاليا فيها تقريبا أكتر معمرين فى أوروبا ففى نسبه كبيره مصابه فعلا بس المشكله إن مع الاستهتار والتجمعات الفيروس انتشر وبسرعه كبيره لأن دى طبيعة الفيروس،وبدل ما الناس تساعد الحكومه والأطباء فى إنهم يقللوا تجمعات كله كان بره وفى تجمعات ومفيش التزام من بعض الناس إللى مش فارقه معاهم لحد ما وصلت لاصعب مرحله حقيقي مرحله مخيفه وصعبه وهى إن رئيس الوزراء يعمل مؤتمر عاااجل وكل إيطاليا قيد الحجر الصحى،مفيش مدارس،مفيش شغل،مفيش حياه،الاصابات كتير ولكل الأعمار حتى الأطفال، الشوارع والدنيا فاضيه ودى الصور الحقيقيه دلوقتى، مفيش خروج غير لشراء الادويه والأكل وده بتنظيم معين مع الشرطه مش مهم شرحه،وأصبحت إيطاليا بلد الجمال والموسيقى مفيش صوت فى شوارعها غير صوت الإسعاف بس بردوا فى أصوات ناس تانى لسه بتصلى وتدعى وواثقين إن كل إللى جاى خير ورحمه حتى لو لسه مؤتمر الصحه خلصان وبيقول إن عدد الحالات وصل ١٧٠٠٠ وشويه بس فى إيمان ويقين إن كل ده هيعدى وييجى الأفضل بإذن ربنا
من فضلكم خلوا بالكم،انصحوا حبايبكم وجيرانكم ومرضاكم وصدقونى كله هيعدى بس بردوا خلوا بالكم وكل واحده تشوف البوست اذكرونا دايما فى صلواتكم ودعاكم ويارب يحفظ مصرنا وكمان بلدى الثانى إيطاليا
