كتبت - أماني موسى
قال القمص مكاري يونان، كاهن الكنيسة المرقسية الكبرى، ردًا على سؤال أحدهم جائته فرصة عمل بإحدى الدول العربية وصلى إلى الله كي يرشده للقرار الصحيح ووجد تسهيلات لكل أمور السفر، شوف يا بني واضح أن صوت ربنا ليك بأنك تسافر، واعرف أنك سفير للمسيح.
وأضاف خلال عظته الأسبوعية أمس الجمعة، ربنا لم يوجدنا في هذه الأرض فقط لكي نأكل ونشرب، ولا أوجدنا بالدنيا عشان نجري ورا ملك أو وظيفة أو سلطة، ولا أوجدنا في الدنيا للدنيا لكن أوجدنا شهود له، وهنسافر كلنا إيدينا فاضية، اللي عنده زي اللي معندوش.
وتابع، يا بني صلي وقول لربنا أنا ملكك وتحت أمرك استخدمني زي ما أنت شايف، وربنا يكون معاك ويبارك حياتك.
