كتبت - أماني موسى
تساء أحدهم ما هي مكافأة الصائم؟ وأجاب القمص مكاري يونان: دة أنت بتخدم ربنا كدة وبتزوده؟ مكافأة إيه يا بني؟ هو ربنا هياخد إيه من أكلك بالزيت؟ إيه اللي هيرجع على ربنا من صيامك؟
مشددًا خلال عظته الأسبوعية أمس الأحد، يا بني لما نسأل ونقول إيه مكافأة الصايم، فكأنك أنت بتعمل معروف لربنا ومستني أجرة، بتتفضل على ربنا بشيء ومستني التمن، يا بني افهم الكلام "إن عملتم كل ما أمرتم به فقولوا إننا عبيد بطالون".
وتابع، مش معنى أني صومت أني بقدم خدمة لربنا وعايز الأجرة والمكافأة، دة أنا أقول له اسمح واقبل أصوامي وصلواتي، الصوم والصلاة وسائط لي لكي أعيش وأغلب الخطية.
وشدد بقوله، شوف يا ابني عايزك تفهم إن إحنا مش مصدرين أي شيء لحساب ربنا إلا خطايانا، لكن نستورد كل النعم منه، أوعى تحط في دماغك أنك هترشي ربنا أو تشتري السما بأصوامك أو فلوسك.
