كتبت – أماني موسى
تساءلت أحدهم، جوزي وأبني بيسبوا الدين، وأنا مش عارفة أعمل إيه؟
قال القمص مكاري يونان: إيه الجرأة دي؟ بتشتم ربنا؟ إذا كان الكتاب المقدس قال أن لا شتامون يدخلون ملكوت السموات، وكلمة ردية لا تخرج من أفواهكم، فكم بالحري الذي يسب ويشتم الله؟
وتابع، إزاي يا بني بتسب وتشتم ربنا إيه شكلك؟ دة إنسان مغيب ومجنون!
مشددًا، الإنسان المؤمن المسيحي مهذب كلامه يبني ويشجع ويفرح ويعزي ويشدد، كلامه موزون في محله، مش يسب ويشتم.
مضيفًا، الإنسان العاقل والأمين تلاقي كلامه قليل، لأن كثرة الكلام لا تخلو من المعصية.
وأختتم، اللي سامعني ولسانه غلاط.. توب الآن، لا أحد يعلم متى تكون ساعته، والإنسان اللي عايش في الخطية حي وهو في الحقيقة ميت.
