كتب – محرر الاقباط متحدون ر.ص
أبدت الإعلامية "اسما شريف منير" استياءها الشديد من الهجوم والسخرية على الفنان هاني شاكر عبر منصات التواصل الاجتماعي، انتقاما منه لمنعه مطربي المهرجانات من اعتلاء المسارح لإيمانه بأنهم يفسدون الذوق العام في مصر .
وكتبت "اسما" عبر حسابها الرسمي على موقع "فيسبوك":" انا زعلانه اوي علي التريقة و المفروض اللذاذه اللي بتحصل علي الفنان الكبير المحترم هاني شاكر، لأنه بجد حقيقي هو إنسان محترم جداً و خلوق و ميستهلش كده ، مش عشان قرار اخذه نعمل كده، لازم نحترم بعض و نحترم السن و التاريخ الطويل و مش عشان الحاجة مش علي مزجنا نلوش، أكيد حق اللي مش عاجبه علي اللي بيحصل يقول ده باحترام."
وتابعت :" عموماً انا وجهة نظري الشخصية ان كل إنسان ربنا خلقة حر و من حقة يقول رأيه بطريقته و يعبر عن نفسه بطريقته و يطلع طاقته بطريقته و يشتغل اللي هو شايف فيه نجاحه و يا تحبه يا متحبوش بس متحجرش عليه ، الصح صح و الغلط غلط و كله عليه انه يختار و في الآخر الحساب عند ربنا علي كل افعالنا و اختياراتنا محدش واصي علي حد و لا من حق حد يدخل في حياتك و اختياراتك و يحكم عليك و يحسبك و لا حد المفروض يكبت طاقة جوا حد."
ولفتت :" المفروض اللي يغني يغني او اي حاجه مش غنا بس اي طاقة من اي شخص بيحاول يعبر عن نفسه بطريقته يكون له حق انه يعمل كده، ممكن رقابه و متابعه في الآخر عاجبك تبعه مش عاجبك سيبك و روح شوف اللي يعجبك، لا نوقف حد و لا نتريق علي حد و لا نفتي في حياة الناس و نعد نحشر نفسنا و نسخن الدنيا."
واختتمت :" كل واحد حررررررررر بس المهم يكون كله بالاحترام."
