كتب - محرر الأقباط متحدون
كشف قداسة البابا " تواضروس الثاني " بابا الإسكندرية و بطريرك الكرازة المرقسية ، خلال اجتماعه مع كهنة إيبارشيات محافظة " سوهاج " ، في إطار زيارته الرعوية ، عن إصدار كتاب " بستان الكهنة " ، حيث سيجمع الكتاب عدداً من أقوال و خبرات عدد من الآباء الكهنة الأتقياء من تاريخ الكنيسة .
و قال " قداسته " في كلمته : " من الحاجات الحلوة اللي هقولها مسبقاً كده ، إن بعض الآباء الكهنة الأحباء في القاهرة ، كانوا بيتكلموا معايا عن كتاب " بستان الرهبان " اللي كلنا عارفينه ، و يمكن معظمنا قرأته و بيبقى واجب علينا في الدير " .
و أكمل " البابا " قائلاً : " قولتلهم ليه مفيش بستان للكهنة ؟ .. فبدأ مجموعة من الآباء الأحباء جداً ، المشهود لهم في الوسط الكنسي ، أخذوا على عاتقهم عمل مجلد كبير ، اسمه " بستان الكهنة " ، و لسه طالع أول امبارح ، فحبيت اجيبهلكم ، علشان تبقوا أول ناس تستفاد من الكتاب الجديد في حياة الكنيسة ، وهو كتاب مهم جدًا ، و متقسم لعشر أبواب لوجود تفاصيل كتير ، و على غرار بستان الرهبان ، فيه أقوال آباء كتير جداً ، آباء كانوا قريبين مننا " .
