دكتور بسادة سامي برسوم
عدة طرق لمعرفة نفسك و قدراتك و مواهبك
لكن قبل ان نشرح
ننفذ أولا الشروط دي :
١- خليك دايماً واثق ان عندك موهبة او قدرات خاصة
نعمة وعطية من عند ربنا لك
٢- الصدق مع النفس، الوضوح.. حاول تبقى صريح مع نفسك علشان ده يقربك خطوة من معرفة نفسك و بالتالي قدراتك و مواهبك
٣- بلاش تتخيل حاجات أنت مش هتقدر تعملها خليك واقعي و لكن طموح
الآن أنت جاهز أنك تبدأ تتعرف علي الطرق لمعرفة ذاتك و مواهبك
الطريقة الأولى:
و هي مكونة من ٣ كلمات :
١- اكتشف .....جرب حاجات جديدة
٢- تعمق.....تعمق في إللي حسيت أنك بتحبه
بمعنى
ابدأ كورسات او زود معرفتك به بأي طريقة انت بتحبها
٣-احيا.. عيش الموهبة بتاعتك كإنها حياتك كلها
(قصة عن عازف موسيقي سألته مذيعة بتعمل إيه في اجازة أخر الأسبوع
قال: الموسيقى هي حياتي أنا معنديش اجازة من الموسيقي لأني بحبها و عايشها)
الطريقة الثانية:
استعمل ورقةوقلم
٦ اسئلة حاول تجاوبها بكل صراحة
١- إيه إللي ممكن يخليك تشعر بالسعادة؟ نوع النشاط نفسه(تسمع موسيقى ...تلعب رياضة...تشاهد التليفزيون....تمارس رياضة المشي في الهواء الطلق ....الخ)
٢- تخيل لو بقى معاك مبلغ كبير من الفلوس يكفيك العمر كله.. هتقضي يومك إزاي ؟
٣- مين قدوتك في الحياة عموما؟
٤- مرحلة الطفولة كنت متميز في إيه؟ و بتحب إية؟
٥- التدريس (لو طلبوا منك تدرّس لغيرك اي حاجة هتدرّسهم إيه)
٦- الرؤية ( لو تخيلت لقدر الله يوم جنازتك حد هيقرأ انجازاتك إللي حققتها تحب تكون إيه الإنجازات دي)
بعد ما جاوبنا تعالى نركز سواء
(لو مثلاً كاتب كقدوه لك مع هوايه الكتابةاو التأليف
او ممثل كقدوه لك مع التمثيل او مشاهدة الأفلام وكذا )
ابحث عن العامل المشترك
الحاجات المشتركة دي هتساعدك تبدأ في معرفة موهبتك و تبدأ تتعلم حاجات اكثر عنها و تأخذ فيها دروس، بعد كده تعيشها زي ما قلنا قبل كده.
بعد ما عرفنا إزاي نعرف مواهبتنا
لازم نعرف أيضاً نقط الضعف إللي ممكن تعطلنا في طريق معرفتنا لموهبتنا علشان نحاول نعالج النقط دي.
من ضمن نقاط الضعف دي ممكن مثلاً:
١- الكسل و التأجيل .. الأثنين من أكثر الحاجات الصعبة إللي محتاجين نشتغل عليهم و ممكن نعمل حاجة بسيطة كتدريب
(نعد ٥ ثواني بالعكس قبل ما نبدأ نأخذ قرار****)
قبل ما نبدأ في أي شئ يعني ٥..٤..٣..٢..١.. و نقوم نعمل الحاجة علي طول بدون تردد هيقلل الخوف والتردد شوية معاك)
٢- التذمر الزيادة.. معترضين علي كل حاجة او حاجات كتييير و بنرمي عليها الشماعة ان الحاجات دي اللي بتعطلنا
( الحل هنا بسيط نشوف لو فعلاً حاجة معطلة نحاول نبعد عنها أو نظبطها و أهم حاجة هتساعدنا أننا دائماً نشكر ربنا حتي في وسط التجربة سواء مرض.. وحده.. مدرسة صعبة.. امتحانات صعبة )
الشكر يسبب التغلب علي المصاعب كلها واحتمالها كمان
٣- الروتين اليومي ....
عدم تنظيم الوقت ده عامل اساسي ان يومك يضيع
(حاول دائماً ١_تكتب في ورقة
كل يوم ....(يوميا)
٢_وقتك هتعمل إية فيه النهاردة
و٣_ تكتب كل المهام مهما كانت صغيرة
و٤_تركز
و٥_ترتبهم
حسب درجة اهميتهم بالنسبه لك
وتلغي كل حاجة ليها وقت
كل ما تخلص حاجة منهم
ده هيساعدك توصل أنك تخلص كل حاجة اليوم من غير تأجيل و بنظام)
٤- الفراغ.. انتبه
لا تترك نفسك للفراغ
لأنه قاتل و غير مفيد
ف الحل هنا أشغل وقتك بأي حاجة مفيدة إقرأ كتاب...نظم خروجه مع أصدقائك الناجحين الملتزمين والمحترمين...
قوم بعمل أي رياضة في البيت أو
شاهد فيلم حلو مفيد ... انزل اجري او مارس رياضة المشي في مكان يسمح بالجري/المشي
وبالطريقة دي هتخرج الطاقة إللي جواك و مش هتسيطر عليك أفكار ملل أو زهق وهتجدد نشاطك وترتب أفكارك من جديد
