ليه يا رب... ما طلعتنيش أفهم ف كل حاجة؟...

 

ليه أكون متكل على خواجه؟... ليه أنا مش لهلوبه واعي؟... ليه أصلاً ما أتكل على دراعي؟

 

 

هو صحيح اللي عندهم مش عندي؟ ولا صحيح معمولي عمل في كفهم متخبي؟.. ولا مصيري يا ربي في كف اللي مش خايف على غدي... يمل... يتسلى.. يلعب بأقداري.. يجوع.. يمز بلحمي وعضامي.. أقول ماهو بيدي... وبس حاطتها على خدي.. وبُكره عيالي من بعدي.. لو ما تعلموا معني الكلام.. لو فضلت ساكت.. وبس أهزي ف المنام.. خايف يورثوا السكات.. أو يكرهوني للممات.. 

 

 

دلني يا رب ع الاتجاه... علمني الهروب.. من الجمود للحياة... علمني أصرخ وأقول لا... قوي صوتي يا رب.. ده من الهمس مبحوح.. عارف ذنبي يا رب... ساعدني ده القلب مدبوح.