فى رد فعل سريع لنداء الفنانة إسعاد يونس، للمنتج نصر محروس ومطالبته بإنهاء النزاعات القضائية مع المطرب بهاء سلطان، والتى منعت بهاء من الغناء لسنوات طويلة ماضية، نشر محروس تدوينة عبر صفحته الرسمية على موقع فيسبوك يلبى فيها نداء الفنانة الكبيرة.
وناشدت الفنانة الكبيرة إسعاد يونس، عبر برنامجها صاحبة السعادة على قناة dmc، المنتج نصر محروس بإنهاء الخلافات وقالت فى حلقة أمس : "وحياة السنة الجديدة حرام".
وكتب محروس : نداء مدام إسعاد يونس ليّا فى برنامج صاحبة السعادة فوق راسى وأعتز بيه جدا لأنها فعلا أختى ولأن بهاء سلطان حقيقى غالى على قلبى وهو أخويا اللى بحبه.. وعلشان كده أول ما سمعت رديت عليها بمكالمة هاتفية، واتفقنا إننا هنتقابل قريب وإن شاء الله يحصل كل خير ونوصل لحل. على راسى من فوق يا صاحبة السعادة".
تدوينة نصر محروس
كانت الفنانة إسعاد يونس أوضحت خلال برنامجها صاحبة السعادة أنها مستعدة للذهاب إلى نصر وتقبيل رأسه للصلح بينه وبين بهاء، مضيفة: "يا نصر إنت حبيبى وعارف أنا بحبك وبعشقك قد إيه، إنت أخويا وعشرة سنين طويلة.. أنا نفسى نفك الاشتباك ده بقى.. خلاص كبرنا، يمكن اللى جاى مش قد اللى راح، عشان كده أنا أرجوك إننا نقعد سوا ومستعدة اجى وأبوس على دماغك.. إننا نصفى الأمور بينك وبين بهاء سطان".
