كتب – محرر الاقباط متحدون ر.ص
تداول رواد مواقع التواصل الاجتماعي، مقطع فيديو رصد واقعة التحرش بفتاة المنصورة من قبل ما يقارب الـ200 شاب، ما سبب لها الذعر، فراحت تصرخ عل ينقذها أحدهم من هؤلاء الذئاب.
وعلق حساب باسم "ديفيد تايجر"، على الواقعة قائلا :" في رأس السنة ٢٠٢٠، المكان / المنصورة وصمة عار لطخت جبين المنصورة حوالي ٢٠٠ ذئب بشري حاولوا اغتصاب البنت دي بالصورة اللي انتم شايفينها . ومكنش فيه رجالة يحموها غير ٣ فقط !!!، متخيلين كمية الوساخة اللي المجتمع وصل ليها ووصلوا أنهم مش عارفين يسيطروا علي غرائزهم، وبقوا هما والحيوانات واحد."
وتابع :" الموضوع ده أتكرر من قبل مع فتاة التحرير لو فاكرينها اللي السيسي راح زارها مخصوص، بس مفيش حد اتحاسب أو دفع الثمن من وقتها، لو فيه عقوبة اتطبقت علي جريمة التحرش واتذاعت في القنوات الفضائية هتكون رادع لكل من تسول له نفسه انتهاك حقوق الانثي والتعدي عليها، زمان كان فيه برامج تليفزيونية زي الجريمة لا تفيد وخلف الأسوار وبرنامج علي قناة الصعيد عيون الشعب مع حنفي السيد وكانوا بيصوروا الجريمة ومرتكبيها والعقوبة الصادرة ضد مرتكبيها وكانت بمثابة رادع للمجتمع."
مضيفا :" لكن_وزارة_الداخلية الهمامة في الفترة الأخيرة رفضت تعطي تصاريح للبرامج دي وآخرهم عيون الشعب متفهمش تفكير الداخلية ماشي ازي .. انت عاوز تمنع الجريمة قبل حدوثها ولا عاوز تزيد نسب الجريمة، تصرفات الداخلية الواضحة بمنع وجود برامج تليفزيونية لرصد الجريمة ومرتكبيها والعقوبة الصادرة بتعلي نسب الجريمة في المجتمع الهدف من كل عقوبة تحقيق الردع العام اين الردع يا وزير الداخلية للتذكرة /ولم يقدم حيوان واحد للمحاكمة الجنائية."
