كتب – محرر الأقباط متحدون أ. م
قال الكاتب كمال سدرا، لما تمشي في شوارع دول العالم الأول -لو صح التصنيف- بتلاقي الشوارع نضيفة وكل حاجة في مكانها، والعربيات بتقف للناس علشان تعدي وبيمشوا عادي بين خطوط الطريق ويقفوا لما تكون الإشارة حمرا، من غير تلاقي عسكري مرور أو أمين شرطة.
واستطرد سدرا في تدوينة عبر حسابه بالفيسبوك، حد يقول أصل شعوبهم ناس محترمة تربت علي النضافة مش زي عندنا، أحب أقوله إن بين الناس ده مواطنين دول كتير زي بلدنا عايشين وملتزمين بالنضافة واحترام الملكية العامة والمرور.
طيب لما المشكلة والحل مش في الناس ، طيب الحل فين؟، الحل في قوة القانون، الناس ده اتعلمت واتربت وكبرت علي أن الغلطة مفيهاش رحمه، وكنت كتبت قبل كده عن شرطة الزبالة في سويسرا، واللي كانت بتحلل محتوي الزبالة وتفرض غرامات على أصحاب الزبالة المجهولة، وبسبب عدم كسلهم أو فسادهم في إنفاذ القانون، تحولت سويسرا لواحدة من انضف بلاد العالم.
