كتبت - أماني موسى
وجه الرئيس عبد الفتاح السيسي، رسالة إلى الشعب المصري قال فيها: لا تتشككوا فيما تم من إنجازات، بنشرح الكلام لكل مواطن ممكن حد يشككه أو يقلقه أو يقوله إن الأمور مش ماشية مظبوطة، فالدولة المصرية أنفقت أكثر من نصف تريليون جنيه في قطاع الكهرباء لتطويره.
وأضاف في كلمته خلال افتتاح عدد من المشروعات القومية بمحافظة دمياط، أنفقنا هذه الأموال لكي لا يجد الخمواطن المصري صعوبة في الحصول على الكهرباء، إحنا زودنا 28 ألف ميجاوات، ضاعفنا أكثر من الإنتاج في خلال 5 سنين، بقول دا ليه، عشان تعرفوا إن أنتم يا مصريين، عملتوا دا في 5 سنين".
وتابع، أنا بقول الكلام دة ليكوا يا مصرييين عشان تعرفوا أن أنتم اللي عملتوا دة، وأنه تم مضاعفة الكهرباء في مصر خلال الخمس سنوات الماضية.
مشددًا، الكهرباء معناها حياة وتنمية، وكان عشان نحقق دا عملنا شبكة نقل، عشان تبقى مصر جسر، زي ما عملنا كدا قناة سويس جديدة، وبقول للدكتور شاكر إن ميعاد الانتهاء من الشبكات الجديدة 2019، مش 2020، لكن لا بأس".
مؤكدًا، "مفيش حاجة بتتعمل غير بتخطيط كبير أوي.
