كتبت - أماني موسى
قال الكاتب محمد إبراهيم، تعقيبًا علي مؤتمر الكومبارس "محمد علي" علشان لو في حد لسه قلقان من لعب العيال ده، أولاً وقبل أي كلام لازم تبقي متأكد إنه أصبح عديم القيمة والتأثير لكن الأخوان اللي بيشغلوه (بحسب إعترافه إنه علي إتصال بيهم ودعم منهم) بيحاولوا يطلعوا من وراه بأي حاجة علشان صعبان عليهم التدريب والدعم اللي قدموه له وراح علي الأرض.
واستطرد إبراهيم في تدوينة عبر حسابه بالفيسبوك، كان أخرها مؤتمر النهاردة اللي نظمته جماعة الإخوان وصوّرته الجزيرة وكان بيتكلم فيه بلسان الإخوان وبيطالب بالإفراج عن قيادات'> قيادات الإخوان وبنت خيرت الشاطر !!
وتابع، ثانيًا نيجي بقي للجزئية المضحكة اللي قال فيها إن هيتعمل إستفتاء شعبي إلكتروني خلال شهرين علي شعبية الرئيس السيسي !!
ودي يترد عليها بالرجوع لأيام الإنتخابات الرئاسية في 2018 لما الإخوان عملوا إنتخابات إلكترونية رئاسية موازية من الخارج والسيسي برضه هو اللي فاز فيها علشان كان التصويت من خلال الرقم القومي وطبعًا وقتها منفعهمش لجان الإخوان اللي كل واحد منهم عامل خمسين أكاونت ولا نفعهم أعضاء جماعة الإخوان الغير مصريين اللي من دول عربية، ووقتها إتكشف حجمهم الحقيقي.
وأختتم إبراهيم قائلاً، لما تسمع حاجات زي كده مفيش أي داعي للقلق ،لكن في مليون داعي للضحك علي الحاله اللي وصلوا ليها الناس دي بسبب فشل مخططهم.
