كتبت: ماريا ألفي

خيم السواد صفحات موقع التواصل الاجتماعي "فيسبوك" عقب أحداث "بورسعيد" – أمس – وأنتشرت العديد من الصفحات الاليكترونية معبره عن استياءها عما حدث مثل "سيبنا الكورة وفضينا للعسكر"، و"من خالد سعيد لشهداء مجزرة بورسعيد (الثورة مستمرة)، "أنا نازل أجيب حق أخويا يا طنطاوي".

 

 

وتساءل الشباب قائلين "اللى كانوا في التحرير وماتوا في 25 يناير.... رموهم بالباطل وقالوا عليهم عاوزين يخربوا البلد، اللي كانوا في ماسبيرو وماتوا .... اتقال عليهم أصحاب أجندات، اللي كانوا في محمد محمود ومجلس الوزراء اتقال عليهم قابضين ومدفوع لهم ومش عايزين البلد تستقر، طيب اللى رايح يشجع في ماتش كورة ومات ؟؟؟ إيه تهمتهم ؟

مستنين التهمة بسرعة .... يالا بسرعة عشا نعرف تصنيفهم".

 

 

وأشار البعض إلى أن الألتراس يعاقب من الدخلية لأنه كان أساس الشرارة الثورية، وقال البعض الآخر "من كان يعول على الأخوان أو مجلسهم فإن الإخوان قد سقطوا من أعين الشعب ومن كان يعول على الشعب وثورته فأن الثوره مستمره والشعب يساندها

ويسقط يسقط حكم العسكر".

 

 

وبعث أحدهم رسالة للمشير قال خلالها "الرساله وصــلت يا سياده المشـــير

١- لم يحضر مدير أمن بورسعيد ولا المحافظ المباراة لأول مرة في تاريخ لقاءاتالأهلي و المصري.

٢- المذيعين اللي ضد الثورة بيطالبوا بإعادة قانون الطوارئ.

٣- الناس نزلت تجري وراء اللاعبين و الجمهور العادي فضل قاعد في مكانه.

٤- إطفاء أنوار الإستاد و إختفاء عربيات الإسعاف والأمن بيحمي النجيلة.

٥- نادر السيد: وزير الداخلية مش راضي يرد عليا.. ياتري ليه؟.

٦- مين من مصلحته يعمل فوضي علشان يثبت أن البلد بتولع.

٧- المسؤلين فين؟.

٨- من امتي و الأمن بتاعنا بيسكت لأعمال الشغب؟

ولا هو القوة بتظهر في ميدان التحرير بس!.

٩- ليه معظم اللي ماتوا من ألتراس أهلاوي اللي بينزلوا في المظاهرات.

10- ابتسامة رجال الأمن في وش الناس اللي نازلة الملعب.

 

هذا وقد دشَّن عدد من الشباب حملة إليكترونية تطالب بتجميع مليون صوت لإلغاء الدوري المصري حدادًا على أحداث "بورسعيد"

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :