كتبت – أماني موسى
قالت الفنانة صابرين، أنا لم أرتدي الحجاب، أنا خلعت التربون، في فرق بين الحجاب والتربون.
وأضافت صابرين، خلال مداخلة في برنامج "الحكاية" مع الإعلامي عمرو أديب على قناة "إم بي سي مصر"،: أنا من زمان بطلع في كل البرامج من غير حجاب، وقلت أنا محتشمة ولست محجبة.
وشددت، الناس دايمًا كانت بتنتقد الباروكة، وأنا تعبت نفسيًا الفترة الأخيرة، وأنا جاهدت كثيرًا مع نفسي، وشعرت أني مقسومة نصين وأقف أمام المرآة اسأل نفسي مين دي؟ هل دي أنا؟
واستكملت: "أنا طول عمري بعمل أدوار محترمة، وربيت أولادي تربية محترمة".
وتابعت: "إيه ذنب ولادي انهم يتشتموا من الناس على السوشيال ميديا، وكان فيه حرب عليا، ومحدش هيحاسبني إلا اللي خلقني، ووالله ما لونت شعري، وهو هو لما كنت عاملة التربونة".
