كتب - نعيم يوسف
كشف محمد غنيم، نائب رئيس تحرير البوابة نيوز، عن قصة طفل مشرد، ظل معه حتى تم إيداعه في أحدى دور الرعاية.
ونشر "غنيم"، عبر حسابه على موقع التواصل الاجتماعي "فيسبوك"، صورة الطفل، وعلق عليها قائلا: "الطفل ده اتسحلت معاه النهاردة لقيناه في الدقي بيقولي انه سايب البيت ومش عايز يرجع لباباه ومامته وبعد ما اطمن بدا يحكيلي انه من بولاق ووصفلي عنوان بيتهم وكلمنا المجلس القومي للطفولة والأمومة بعتلي موظف ربنا يبارك له مسابناش طول اليوم روحنا عنوان بيتهم".
وتابع: "اكتشفت انه محل سكنهم القديم والجيران بدأوا يحكولي الحكاية الطفل متعود على الهروب من باباه ومامته لأن باباه متجوز ومامته متجوزة وتقريبا الاتنين بيهربوه على بعض وكل يومين حد يجيبه العنوان القديم لأن الطفل بيتوه الناس ومش عايز يرجع لبيت باباه او مامته بعد محاولات قدرت اجيب رقم باباه اللي رد اول مرة ولما عرف ان ابنه معانا بطل يرد اصلا".
وأضاف: "وبعد حالة يأس قررنا أننا نوديه مؤسسة رعاية الطفل في بولاق دخل وهو تقريبا متعلق بيا ومش عايز يسيب أيدي وكل أسئلته في حد هيضربني وإدارة الدار بدأت تطمن الولد اللي كان اهم حاجة عنده انه ميروحش لابوه او امه ومحدش يضربه الغريبة أن الولد ذكي جدا وبيستعمل الكمبيوتر زيه زي اي حد في سنة وبيدور على افلام الكارتون زي اي طفل بيحلم انه يعيش برىء لكن اصطدم بأب وام من أقصى قاع المجتمع لا يعرفو حاجة عن مشاعر ولا رعاية انسان مجرد كائنات لا يمكن وصفها بالحيوانات بالتأكيد لأن الحيوانات لديها مشاعر".
