اولا فوائد الزحمه في مجلس الشعب
تدفئه النواب فالشتا اللي احنا فيه ده علشان يعرفوا يركزوا
لما واحد يغيب اصاحبوا يخبوا علي مكانه
علشان لما رئيس المجلس يقول هسسسس
يعرفوا يتكلموا من تحت لتحت
ده حتي كل النواب عاملين زي موحد ولبسين اغلبهم بدل –زرقاء-
المايك بقي اهم المميزات اللي فيه يقدر يقفله وقت ما ميعجبهوش كلام السيد النائب المحترم
اما بقي عن راي الشباب العثل فالمجلس واللي قالوه علي الفيس بوك وتويتر
‏ أسلوب السخرية أسلوب جيد للنقد إن لم يتجاوز حدود الأدب وإن لم يصبح هو الأداة الوحيدة والدائمة
الله يمسيك بالخير يا عكاشه..كان هيبقى ليك حضور طاغى فى يوم زى ده ‎
هم اللى لابسين نياشين صفرة دول الأوائل على المجلس
المفروض هيئة الامر بالمعروف تبعت واحد ب اليكترك الجلسات و يمر عليهم و اللي يشوفو نايم يكهرب امو و يصحيه
قالك السيده العضو .. ياود يابت ياواد يابت
يا سيدي احلف وخلصنا ولما تنتهك الدستور والقانون ابقى صوم 3 ايام ورانا شغل.


ايه ده شيبوب بيحلف اليمين
كتر خير اللى واقف على الكاميرا بيصور متزاول مزاولة السنين علشان يجيب اللى بيتناده عليه بسرعه كده
عرفته ياجماعه السلطة مش هاتتسلم ليه قبل 2013 ، علشان يدوبك يكونو خلصوا قسم على اغسطس اللى جاى
إحنا أسفين يا شهداء :S ‎:(‏((((((
دول معاهم لبكرة يا برنس
ياواد انت يا بطئ يا متأنى
يا رب حد فيهم يغلط ويقول أن أحافظ علي النظام العسكري ‎:D‏ ‎:D‏ ‎:D‏
واضح طبعاً انه المحدثين بيذايدوا على باقى الناس اللى معاهم فى البرلمان وشكلهم مش هايجبوها لبر
الراجل اللي بينده الغياب ده رخم قوي :@ :@ أنا لو منهم أستناه في الفسحة عند العلم :@
مش قادر اصدق الناس دول فى الصيف بيقعدوا ازاى ده انا فى عز البرد اتحرتلهم وعرقتلهم
عمرو حمزاوي 10 من 10 هو وكل البنج بتاعه ‎:D‏ ‎:D‏
ياحمزاوى يا جامد ياللى حافظ وبتقول غيباً من غير ماتبص فى ورقة
اصله اتدرب عليها انبارح قالها ادامنا فى ساقية الصاوى ‎:)‏
إجابة صحيحة من المتسابق عمرو حمزاوي ‎:D‏ ‎:D‏
الراجل اللي بينده الاسامي ده بيفكرني بأستاذ ملواني في مدرسة المشاغبين ‎:)‏
طبعا كل واحد بيحط التتش بتاعه ... هي ناقصاكم ؟ بلا قرف :S إنجزوا بقي ورايا شغل :@ :@ :@ :@
ماريان الوحيده اللي مخليه للمجلس شكل ، غير كده عايز يتفجر
هما مش هايفرقوا رز بلبن ؟


برلمان مسخرة يا جدعان
بس انا مبسوط من المشير عمل زى ماقلتله وبعت الصبح شاهيين وبدين وحزين عملوا تيست مايكات والمايكات مش بتصفر .. برافو
يا عينى الراجل مالوش مكان يقعد فيه
هههههههههه ده جاى يموت هنا ولا ايه ؟
مجلس الشعب بتاعنااا،، النواب مش تباعناااااا
مجلس ارهابي صحيح
يوم عن يوم بتأكد أن عادل إمام ده عبقري.. البرلمان كله "بخيت المهيطل" وداخلين المجلس صدفة.. وفاكرينوا مجلس شاي
انت أمام خدااااااااااامك ... مش حكاااااااااااااااامك
واحد بيعمل باي باي للكاميرا وبيلعب في الموبايل! هو حد قاله انه رايح كوكي بارك؟
احنا لازم نحضر جلسات المجلس ويبقى لينا حق الفيتو كمان مش احنا الشعب (طبعا مش على القرارت ولكن على الاساليب )
النواب بدؤا يقومون للصلاة، من ضيع صلاته كان لما سواها أضيع، هكذا يكون الرجال. ‎
يالي بتتريق على أي نائب..أيا كان اتجاهه..انت بتتريق على مواطني منطقة كاملة عددهم عشرات اﻵلاف شافوه هو اﻷنسب وانت مش عاجبك


الجلسه دي ناقصها كمال الجنزوري ولوجو القناة الاولي والياعه ام عقارب تحت عاليمين ونبقي فسنة 1996
قبل: ان شاء الله هبنيلكو مستشفى وجامع، وهخلي الترلي يعدي م البيت باذن الله... أول جلسة: أول حاجة العضو دا يقوم من جنبي
يا جماعة هاموت و اعرف مين الي لبسين طقيه حمره ؟ مين دول بجد؟
هو كل واحد ماسك ورقه وبيغش ومفيش محاضر غش لية
أقفش في واحد لسه داخل دلوقتي .......جاي متأحر ليه؟
ابو شعيشع مش شايف يقري من الورقه ‎:D‏ يخربيت الضحك شكل البرلمان هيضحكنا بعد ما عوكشه البرنامج بتاعه قفل ‎:D‏
لا المجلس ده مش عاجبنى مفيهوش موزز.. هيا اللى قاعده جنب رئيس الجلسه بس و مش موزه اوى يعنى ‎:(‏
سؤال: هو كام واحد من الاعضاء الاعزاء قانوني او حقوقي؟
خلاص شوفنا جلسة مجلس الشعب وضحكنا شوية؟ نكمل بقى الثورة
ايه دااااااااااااااا !! طربوش !!!!! يانهارى انت فينك من زمان ياراجل
ناقصاك ياعوشكه كان هيبقى ضحك السنين بجد
في صوت في المايك قال دلوقتي: معاك سجاير يا احمد؟ ..السؤال مين العضو العرة اللي بيفرط .. ومين أحمد؟؟؟؟؟؟؟؟
عشرات المقاعد فارغة في مجلس الشعب بعد آذان الظهر .. ‏"بدأنا المشاغابات من الأعضاء
محدش يقول لي البرلمان بيمثلني بقي , انا من الميدان و لا يمثلني هذا البرلمان
هو مش البرلمان 50 % عمال وفلاحين هم فين ولا قلبوا رجال اعمال


مغلق للصلاة”هاهاهاهاهاها
المفروض كنا جبنا جهاز لكشف الكدب عشان الاعضاء يخلصونا ويحلفو يمينهم الحقيقي
البرلمان الوحيد في تاريخ البشرية اللى اقسم على حماية دستور مش موجود اصلا ‎
المرحله الحاليه تتطلب إستقطاع جزء من المجلس وإنشاء مصليه للأعضاء
حاسس ان قبل مايقفلو الجلسة فتحي سرور هيدخل علي كرسي متحرك ويقول لأااااا انا لسة مامتش
و مسابقة الحلقة: إبحث عن الطرف التالت فى البرلمان الجديد تكسب جوايز جوايز جوايز
العضو الغايب ييجي بكرة و معاه ولي أمره...
احنا شعب جامد مش بيعجبنا حاجه خالص خالص خالص
حقًا إحنا الشعب المصري العظيم!! شعب العمم والمقاطف لا يستحق مجلس أفضل من اللي أختاره من دقون وشولة والتلفيين هيمسكوا شئون التعليم، يعني مصر بمعونة المولى عز وجل خلال عشر سنين هتكون المادة الخام للجهل والغباء والتفاهة
عشان تعرفو المستقبل كويس لجنه التعليم راحت لحزب النور السلفي وايييييييييييييييه
المقارنة بين اللى بيحصل ده والجلسة الافتتاحية فى تونس مؤلمة
وفي اكتر بكتير من الكلام ده والجلسه الاولي لسه مخلصتش
بس اللي فعلا نقدر نقوله ان ليك انت وبس الكلمه الاولي و الاخيره مهما كان شكل نواب مجلس الشعب وكمان رئيس الجمهوريه

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :