أديب: "محمد علي" حرامي وباع والدته.. ولا أؤيد فكرة المؤامرة
كتب - نعيم يوسف
20 جهة تستخدم الفيديوهات
تناول الإعلامي عمرو أديب، قضية المقاول والفنان المصري محمد علي، الذي نشر العديد من مقاطع الفيديو التي هاجم فيها الرئيس عبد الفتاح السيسي، والقوات المسلحة، مشيرا إلى أنه لا يؤيد فكرة وجود مؤامرة وراء الموضوع، ولكنه عمل ذلك لسبب أو لأخر، ولكن هناك 20 جهة تأخذ الفيديوهات الخاصة به وتعمل بها ملايين المشاهدات، مشددًا على أن محمد علي في حد ذاته "ابتدا يبقى ممل ومكرر وبيتكلم في نفس الموضوع".
"معلمين شغالين وراه"
وأضاف "أديب"، في برنامجه "الحكاية" المذاع على قناة "إم بي سي مصر" الفضائية، الجمعة: "لكن المعلمين اللي شغالين بياخدوا منه كل يوم معلومة وينسجوا ويحطوا عليها.. وهؤلاء هم الجزيرة.. والجزيرة مباشر.. ومكملين.. والتايمز الإنجليزية اللي سايبين البريكست والبلد اللي بتولع.. ونشرت تقرير يفتقد المهنية.. بالإضافة لرصد الإخوانية والجزيرة الإنجليزية وكل بتوع 25 يناير.. كلهم بياخدوا الفيديو وينشروه.. وانت تلاقي الموضوع في كل حتة.. ويكرروا الكلام عن الرئيس وعن الجيش".
"اتنين ظهروا بالصدفة"
وتابع: "فيه اتنين ظهروا الأسبوع اللي فات بالصدفة وهما محمد علي ووائل غنيم.. وفيه شتايم كتيرة عشان محدش يقرب لهم"، لافتا إلى أن نغمة الهجوم على الجيش تتكرر كثيرًا ويخرج الجيش وينفي هذه الأمور، لافتا إلى أن هناك "ضرس كبير في البلد اسمه الجيش.. لازم يتم لخلخته".
ووجه رسالة له قائلا: يا محمد يا حبيبي، البلد دي شديدة، وعصية وعنيدة"، لافتا إلى أن البعض فسر ظهور وائل غنيم في نفس الوقت على أنه تكرار لثورة 25 يناير، معقبا: "نلحق اية كان وائل نفع نفسه، وكانت ثورة 25 يناير عملت اللي هي عايزاة".
"نسبة انحراف"
وأضاف: "هقول حاجة بصراحة وعلى بلاطة.. أي مؤسسىة في الدنيا وارد يكون فيها نسبة انحراف زي أي مؤسسة في الدنيا.. المهم يكون ظبط وربط وتصحيح للأخطاء.. إية المشكلة يعني؟؟ زي أي حتة في العالم!!"، مضيفا: "الحيرة خلال الأيام اللي فاتت كانت إن التافهة ابن التافه ده نرد عليه ولا منردش.. هو يتحدث عن أشياء منذ 2009، مشددا على أنه لا يرد على محمد علي، ولا وائل غنيم "يولعوا بجاز الاتنين"، ولكنه يوضح الامور للشعب المصري".
المشاريع القومية
وأشار إلى أن الدولة نفذت خلال الفترة الماضية العديد من المشاريع القومية، مضيفا: "هو بعد المشاريع البلد لسة باقي فيها فلوس تتسرق!! هو أنتوا مش شوفتوا الفلوس دي بتتصرف -في إشارة للمشاريع القومية-". ووجه حديثه لـ"محمد علي" قائلا: "أنا بقولك بس يابني كلها أسبوع 10 أيام والفيديوهات هتخلص.. وهيجي يوم هتروح منك زي ما راحت من وائل غنيم.. انت أمك بعتها وفلوس أخوك سرقتها وهتفضل بقية حياتك تمشي تبص وراك.. وكل ما مصري يشوفك يتف في وشك".
رسالة للجزيرة وسؤال بشأن قطر
كما وجه رسالة إلى قناة الجزيرة قائلا: "هو في حد مصدق الكلام ده؟ للأسف في، وهي الناس الي ربنا رزقنا فيها بسبب السوشال ميديا و2011 والإخوان والحاجات دي، قاعد بقلك بتفتح ده العربي الجديد وده الجزيرة، الجزيرة مباشر الآن افتح وبص، الأعمال الكاملة لمحمد علي من أول فيديو لآخر فيديو، الأعمال الكاملة!! مش عيب تنجموا واحد حرامي.. ده حرامي باعترافه"، متسائلا: "هي قطر قلبها على مصر؟؟
كان الفنان والمقاول محمد علي قد سافر إلى أسبانيا، ونشر العديد من مقاطع الفيديو التي هاجم فيها الرئيس عبد الفتاح السيسي، وبعض قيادات الجيش المصري، واتهمهم بالفساد.
شاهد الفيديو من هنا
